Fjalori
DIKTUAR

DIKTÚAR (i, e)I mb. I pikasur, i zbuluar pasi është gjurmuar a është vëzhguar nga dikush. I diktuar pas një ndjekjeje të vazhdueshme. I diktuar nga rojet (armiku).

DIKTUAR

DIKTÚAR (i, e)II mb. 1. Që është i dhënë me diktim (zakonisht në tekst), në mënyrë që nxënësit të shkruajnë bukur e pa gabime. Tekst i diktuar.
2. I detyruar nga kushtet a rrethanat. Kjo ishte e diktuar nga kushtet objektive të kohës. Vështirësi të diktuara nga ekonomia e tregut. Sjellje e diktuar nga rregullat shoqërore.

Rezultate të tjera nga lematizimi ose nga ngjashmëria me formën përfaqësuese: DIKTOJ
DIKTOJ

DIKT/ÓJI vep., ~ÓVA, ~ÚAR kal. 1. Arrij të zbuloj, të gjej ose të shoh dikë a diçka pasi e kam ndjekur, e pikas. Diktoi armikun. Diktoi gjurmët. S’diktoi asgjë. S’e diktoi dot. E diktoi menjëherë.
2. Arrij ta kuptoj diçka të fshehtë. Diktoi qëllimet e dikujt. Ia diktoi mendjen ia bleu mendjen.

DIKTOJ

DIKT/ÓJII vep., ~ÓVA, ~ÚAR kal. 1. Lexoj a them diçka qartë, ngadalë, shkoqur e me zë të lartë, në mënyrë që dëgjuesi të arrijë ta shkruajë ose ta mësojë mirë; lexoj një tekst në klasë fjalë për fjalë, qartë, ngadalë e me zë të lartë, në mënyrë që nxënësit të shkruajnë bukur e pa gabime, të ushtrohen për të përvetësuar drejtshkrimin etj. U diktoi ligjëratën (tekstin, pyetjet). Dikton me zë të lartë.
2. I kërkoj dikujt të bëjë medoemos atë që dua unë, pa marrë parasysh vullnetin ose dëshirën e tij, e detyroj dikë të veprojë si i them unë. I dikton vullnetin. U diktoi kushtet. U diktoi një marrëveshje të pabarabartë. U diktoi afatin. Ua diktojnë rrethanat (kushtet). Ua dikton nevoja.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë