Fjalori
DATE

DÁT/E,~JA f. sh. ~E, ~ET krahin. Hallë, motra e babait.

DATË

DÁT/Ë,~AI f. sh. ~A, ~AT 1. Dita e muajit të një viti të caktuar sipas radhës në kalendar; shifra që shënon këtë datë. Data e sotme (e djeshme). Letër pa datë. I vë (shënoj) datën. - Sa është data sot?
2. Koha a dita, sipas kalendarit, në të cilën ka ndodhur një ngjarje e caktuar; treguesi i një akti (dokumenti, letre etj.), që shënon kohën (shekullin, vitin, muajin, ditën) kur ky është shkruar a është botuar; afat. Datë e shënuar. Datë historike. Datë jubilare. Data e ardhjes (e largimit). Data e fillimit (e mbarimit). Data e nisjes (e dërgesës, e kthimit). Data e lindjes (e vdekjes). Data e dokumentit. Datë e hyrjes në fuqi. Caktoj datën. Shtyj (ndryshoj) datën. Pa datë.
✱Sin.: afat, kohë, cak, vakt, vade, korë.

DATË

DÁT/Ë,~AII f. Frikë e madhe, tmerr, lemeri. Ka marrë datën. Punë e natës – punë e datës.(fj. u.). Gjeti bishtin sëpata, pyllin e mori data. (fj. u.).
2. Krupë, neveri, ndot, të vështirë. Të ngjall datën (dikush a diçka) ta pështiros, ta neverit, të shtie krupën.
✱Sin.: frikë, tmerr, lemeri, lebeti, llahtari, hata, neveri, krupë, ndot, të vështirë, të keq.
♦ Të kall (të shtie, të jep) datën (dikush a diçka) të tmerron, të tremb a të neverit diçka e keqe ose një njeri i frikshëm a i shëmtuar. Më zuri (më hyri) data u tmerrova, u tremba a u neverita nga diçka e keqe ose nga dikush i frikshëm a i shëmtuar.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë