Fjalori
DAFINË

DAFÍN/Ë,~A f. sh. ~A, ~AT 1. bot. (lat. Laurus nobilis) Dru a shkurre që rritet në vendet mesdhetare, me gjethe gjithmonë të gjelbra e me erë të këndshme, që bën kokrra të vogla me ngjyrë të errët; lar. Dafinë fletëgjerë (fletëngushtë). Druri i dafinës. Degë (fletë, gjethe) dafine. Pyll dafinash. E diela e dafinave (e larit, e luleve) (fet.). e diela një javë para pashkëve. Ku e ka krushku shtëpinë? / Te porta me llamarinë, / Te ballkoni me dafinë. (folk.).
2. Degë me gjethe nga ky dru; gjethet e kësaj bime, që përdoren në mjekësi etj. dhe si erëza për gjellë. Vaj dafine. Erë dafine. Kurorë dafine kurorë prej degëve të dafinës si simbol i fitores dhe i lavdisë. Zbukuroj (stolis) me dafina. Tavë peshku me dafinë.
3. vet. sh., fig. Degë nga kjo bimë ose kurorë me degë të tilla, që mbahet si simbol i fitores dhe i lavdisë. Dafinat e fitores.
♦ Fle mbi dafina (dikush) libr. është i vetëkënaqur me fitoren që ka arritur dhe është i shkujdesur, ka rënë në qetësi pas arritjes së një suksesi, të një fitoreje etj., ia ka marrë mendtë lavdia dhe nuk punon e nuk përpiqet për më tej. *Kurorë dafinash libr. E mbuloi me dafina (dikë) i dha lavdi të madhe dikujt, e nderoi dhe e lëvdoi shumë për diçka që ka bërë.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë