Fjalori
DËLIRJE

DËLÍRJ/E,-A f. 1. Veprimi kur dëlir; pastrim, heqje e pluhurit, e plehrave, e baltës etj. (me fshesë, me furçë, me ujë etj.); larje me ujë e me sapun. Dëlirja e leshit (e farës). Dëlirja e ujit.
2. Krasitja, heqja e degëve a gjetheve të thara të një peme a të një bime. Dëlirja e pemëve.
3. fig. Çlirim nga një punë, nga një barrë a nga një detyrim; shlyerje e një faji, pastrim i ndërgjegjes.
4. fig., përçm. Shporrje, largim nga një vend.
5. euf. Tredhje e një kafshe.
✱Sin.: pastrim, larje, krasitje, çlirim, shporrje, largim, tredhje.

Rezultate të tjera nga lematizimi ose nga ngjashmëria me formën përfaqësuese: DËLIR
DËLIR

DËLÍR vep., ~A, ~UR kal. 1. Pastroj. Dëlir tokën (nga gurët, nga ferrat). Dëlir oborrin. Dëlir tryezën (sofrën). Dëlir dhomën (shtëpinë). Dëlir plagën. Dëlir dhëmbët. Dëlir grurin (orizin, fasulet). Kripa të dëlir. E dëliri era kohën (qiellin) e kthjelloi.
2. I heq një peme a një bime degët a gjethet e thara; krasit. Dëlir duhanin.
3. fig., bised. Çliroj (një vend).
4. E çliroj dikë nga një detyrim; e bëj të dalë i larë nga një faj; i pastroj ndërgjegjen. Dëliri veten. E dëliri prej betimit.
5. euf. Tredh. E dëliri thiun.
✱Sin.: pastroj, krasit, heq, çliroj, shporr, tredh.

DELIR

DELÍR,~I m. sh. ~E, ~ET 1. mjek., psikol. Gjendje turbullie mendore kalimtare, e shoqëruar me ethe, me dehje dhe me çrregullime të tjera fizike si çorientim, shqetësim dhe halucinacione; kllapi, jerm. Ra në delir. Bërtiti në delir.

2. fig.Përçartje; dalldi, shastisje. Deliri i madhështisë.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë