Fjalë që fillojnë me...
Fjalë me të njëjtat parashtesa ose tema fjalëformuese.
CÍP/Ë,~A f. sh. ~A, ~AT 1. Lëvore e hollë që vesh diçka, lëkurë; shtresë e hollë që mbulon sipërfaqen e diçkaje. Cipë e hollë. Cipa e qepës. Cipa e mollës (e pjeshkës). Cipa e kokrrave të rrushit. Cipa e vezës. Cipa e qumështit. Cipa e gjellës. Cipë akulli. Cipa e drurit. Cipa e plagës. Zë (vë) cipë. I prish (i heq) cipën. Ha me gjithë cipë.
2. anat. Lëkurë ose ind i hollë, që vesh a mbulon një organ. Cipa e brendshme. Cipa e barkut. Cipa (korja) e trurit. Cipa e qelizës. Cipa e mukozës. Cipë dhjami. Cipa e veshit. Cipa e virgjërisë. I vuri cipë syri.
3. bised. Sipërfaqja e një uji të qetë. Cipa e ujit. Cipa e liqenit (e kënetës).
4. fig., bised. Tërësia e vetive morale të një njeriu të ndershëm, turpi e sedra që e mbajnë njeriun të mos bëjë veprime të palejueshme; tërësia e rregullave dhe e normave morale të shoqërisë, që mbrojnë nderin e saj. Njeri me cipë. Sjellje pa cipë. S’ka fytyrë e cipë. Ruaj cipën. S’u mbetet cipë. Bëj diçka për cipë. Plasi cipa, doli kripa. (fj. u.). Ka cipë (nder) në faqe.
5. bised. Pëlhurë e hollë pambuku; basmë. Cipë me lule. Cipë për fustan. Futë prej cipe.
6. bised. Shami koke për gra. Cipë e zezë (e bardhë). Vë cipën. Lidh cipën.
7. fig. Diçka që mbulon ose që fsheh, mbulesë, perde. Mbuloj me një cipë. I hedh cipën (një ngjarjeje, veprimi etj.). Heq (gris) cipën.
8. krahin. Petë byreku ose ëmbëlsire. Byrek me dyzet cipa.
✱Sin.: lëvore, lëkurë, lëkurëz, zhapë, cefël, caf, membranë, lëmazë, vemesë, kore, perde, lëpe, makë, ajkë, prask, basmë, shami, petë, mbulesë, napë, pëlhurë, luspë, nder, turp, faqe, namus.
♦ Cipë dhjami (për diçka) shumë i hollë. Cipë e kockë shih kockë e lëkurë. Cipë qepe shumë i hollë; i tejdukshëm. Ia çori cipën (dikujt) keq. ia nxori turpin; e bëri që të mos ketë cipë. Ia grisi cipën (dikujt a diçkaje) e zbuloi, e bëri të duket siç është; ia nxori bojën. Hedh cipën e zezë. 1. Vishem në të zeza; bie në zi. 2. S’di ku të futem nga turpi. E hoqi cipën e zemrës (dikush) foli hapur e sinqerisht, nuk mbajti asgjë të fshehtë; e hapi zemrën; s’mban (gjë) në trup. Kam cipë jam njeri i ndershëm, prekem e turpërohem për gabimet e të metat e mia; jam njeri me sedër; kam (një) fytyrë; kam gjak në fytyrë (në faqe). E mbështjell me një cipë (diçka) përpiqem ta fsheh diçka ose të mos krijoj një farë dyshimi rreth saj. I ka plasur (i ka dalë) cipa (peta) (e ballit) (dikujt) keq. s’ka turp fare, s’do t’ia dijë për turpe, nuk skuqet, është bërë i pacipë; i ka plasur damari (i ballit); i ka plasur perdja; nuk ka perde (dikush); s’ka ujë në sy (dikush); i doli huri në majë të kokës; i është bërë faqja rrogoz; i doli boja; as skuqet e as zverdhet (dikush); e ka ngrënë turpin me bukë (dikush); nuk e ka për gjë (dikush); e ka fytyrën shtatë hektarë (dikush). E vesh me cipë (dikë) e mbaj shumë mirë, i siguroj një jetesë të mirë e të rehatshme, i jap të gjitha të mirat, kujdesem shumë për të; e mbaj në pëllëmbë (në shuplakë) të dorës.
ÇÍP/Ë,~AII f. sh. ~A, ~AT Dhi curre.
CIPËDÁLË mb. 1. Që i hiqet cipa menjëherë, që i del cipa shpejt. 2. fig. Që i ka plasur cipa, i paturp, cipëplasur, i pacipë. ✱Sin.: cipëplasur, cipëngrënë, turpngrënë.
Shfaq përkufizimin e plotë →CIPËKÚQ,~I m. sh. ~Ë, ~ËT 1. Ai që e ka lëkurën e trupit të kuqe.2. gjell. Byrek me qumësht etj., të cilit i skuqet cipa kur piqet.
Shfaq përkufizimin e plotë →CIPËKÚQ,~E mb. Që e ka lëkurën ose lëvoren të kuqe,lëkurëkuq. Patate cipëkuqe. Mollë cipëkuqe.
Shfaq përkufizimin e plotë →CIPËKÚQ/E,~JA f. sh. ~E, ~ET Ajo që e ka lëkurën e trupit të kuqe.
Shfaq përkufizimin e plotë →CIPËRDÁN,~E mb. Lakuriq.
Shfaq përkufizimin e plotë →CIPËRÍM,~I m. sh. ~E, ~ET Shtresim me cipa të holla.
Shfaq përkufizimin e plotë →CIPËR/ÓJ vep., ~ÓVA, ~ÚAR I vë një shtresë a cipë të hollë.
Shfaq përkufizimin e plotë →CIPËRÓM/Ë,~A f. sh. ~A, ~AT Shtresë e hollë resh a mjegulle.
Shfaq përkufizimin e plotë →CÍPËZ,~A f. sh. ~A,~AT 1. Cipë shumë e hollë. Të veshur me atë cipëzën e florinjtë, të hollë si fleta e letrës së cigares.2. mjek., bot. Shtresë a ind i hollë që mbulon një organ t…
Shfaq përkufizimin e plotë →CIPË/ZÍ,~ZÉZË mb. Që e ka cipën të zezë, lëkurëzi, lëkurëzezë. Ujkonja cipëzezë.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë