Fjalori
CEKËT

CÉKËT ndajf. 1. Jo thellë. Punoj (lëroj) cekët (tokën). Mbjell cekët. Është cekët.
2. fig. Në mënyrë të përciptë, në mënyrë jo të thelluar. Përshkruaj (trajtoj) cekët. Në raport çështja trajtohet shumë cekët.
✱Sin.: zgrip, përciptas, lehtë, lehtësisht, dobët, sipërfaqshëm.

CEKËT

CÉKËT (i, e) mb. 1. Që është jo i thellë; i sheshtë.; kund. i thellë. Lumë (det, liqen) i cekët. Pus i cekët. Pjatë (enë) e cekët. Xhep i cekët. Tokë e cekët tokë që e ka të hollë shtresën e punueshme. Punim i cekët. Lërim i cekët. Shpim i cekët. Rrënjë të cekëta. Barka me funde të cekëta. Lagunë e cekët.
2. edhe fig. Që nuk është i theksuar e i qartë; i sipërfaqshëm, i përciptë; i pazgjeruar. Qiell i pashprehshëm dhe i cekët. Dëshpërim i cekët. Njohuri të cekëta. Mendim (gjykim, arsyetim) i cekët. Kuptim (trajtim) i cekët i problemit. Studim (punim) i cekët. Analizë e cekët. Përgatitje e cekët. Kontroll i cekët. Mos dëgjoni njerëz të cekët. Gjithsesi nuk jam aq i cekët sa të mendoj se lumturia është gjendje e arritshme.
✱Sin.: i nderë, i sheshtë, i përfushtë, i zgripët, i zbehtë, i dobët, i përciptë, i sipërfaqshëm, mendjeshkurtër, i përciptë, i lehtë, mendjelehtë, i papjekur.
♦ E ka kokën të cekët (dikush) shih është i lehtë nga mendja (dikush).*Pus i cekët tall.

CEKËT

CÉKËT,~A (e) f. Vend i cekët, cekëtinë; kund. e thella. Doli në të cekët. Ngeci në të cekët. Nga e cekëta në të thellë. Ta banalizosh, do të thotë ta rrëgjosh të thellën në të cekëtën.

Rezultate të tjera nga lematizimi ose nga ngjashmëria me formën përfaqësuese: CEK
CEK

CEK vep., ~A, ~UR kal. 1. Prek një send lehtë, cik. I ceku dorën.
2. fig. Prek diçka (një çështje, një problem etj., pa e trajtuar gjerësisht); flas kalimthi për të, zë në gojë. Cek një çështje. Cek në bisedë. Cek shkurt. Po e nis nga pika e fundit që cekët ju.
✱Sin.: prek, cik, çik, cekoj, takoj, fshik, çek, përmend.

CEK

CEK,~U m. sh. ~Ë, ~ËT zool. Mizë e madhe fluturake që gjatë pranverës e verës pickon gjedhin dhe i thith gjakun.

ÇEK

ÇÉ/K,~KUI m. sh. ~QE, ~QET fin. Urdhërpagesë me të cilën dikush ka të drejtë të tërheqë nga banka ose nga arka një shumë të caktuar parash. Çek bankar (postar). Çek i bardhë çek i paplotësuar. Titullari i çekut. Librezë (bllok) çeqesh. Lëshoj (pres) një çek. Nënshkruaj çekun. Për të marrë paratë e një çeku që vjen nga jashtë. Çek i lëshuar nga banka jonë.

ÇEK

ÇEK,~UII m. sh. ~Ë, ~ËT krahin. 1. Çep, skaj. Çeku i shamisë. Çeku i arës. Çeku i shkëmbit. Çeku i kërrabës. Çek më çek.
2. Ana me majë të mprehtë e një vegle; tehu. Çeku i kazmës. Çeku i shatit. E quku me çek.
✱Sin.: çep, skaj, teh, qoshk.

ÇEK

ÇEK,~UIII m. Ushqimi i bariut që e merr me vete. Mori çekun me vete. Ish lodhur nga buka e qepa e përditshme e çekut.

ÇEK

ÇEK,~UIV m. sh. ~Ë, ~ËT zool. (lat. Saxicola rubicola) Zog këngëtar i klasës së harabelave me pendët e krahëve në ngjyrë kafe dhe ato të gjoksit më të çelëta. Çeku kokëzi. Çeku i shkurreve. Çeku gushëkuq.

ÇEK

ÇEK,~E mb. Që lidhet me Çekinë ose me çekët, që është karakteristik për Çekinë e për çekët, që i përket Çekisë ose i çekëve. Toka çeke. Populli çek. Gjuha çeke. Valle (muzikë) çeke. Presidenti çek pret zhvillime të rëndësishme.

ÇEK

ÇEK,~UV m. sh. ~Ë, ~ËT Banor vendës i Çekisë ose ai që është me prejardhje nga Çekia. Biletat për çekët. Çekët ishin veshur me të kuqe e blu në stadium.

ÇEK

ÇEK vep., ~A, ~UR kal. Prek, çik. Çek me dorë. Çek lehtë. Camaj i çek këto çështje. - A e çeku me ndonjë fjalë marrëdhënien tënde me të? Duke e çekur këtë problem.

Rezultate të ngjashme

CEKËTINË

CEKËTÍN/Ë,~A f. sh. ~A, ~AT 1. Vend i cekët (në lumë, në liqen ose në det), jo i thellë. Cekëtinat e lumit. Ngeci në cekëtinë. Doli në cekëtinë. E nxori në cekëtinë. 2. fig., libr.…

Shfaq përkufizimin e plotë →
CEKË

CÉK/Ë,~AI f. sh. ~A, ~AT 1. Cekëtinë. Cekë lumi. Anë e cekë anekënd, vend e trevë. Gjej (kaloj) cekën. Dal në cekë. Ngeci në cekë. Nxjerr (lundrën) në cekë.2. Kutizë; arkë e vogël.…

Shfaq përkufizimin e plotë →
CEKËLINË

CEKËLÍN/Ë,~A f. sh. ~A, ~AT krahin. Cekëtinë. Cekëlinë rëre. Doli barka nga cekëlina.

Shfaq përkufizimin e plotë →
CEKËLL

CÉK/ËLL,~LLA f. sh. ~LLA, ~LLAT bot. Pazi.

Shfaq përkufizimin e plotë →
CEKËLLIM

CEKËLLÍM,~II m. sh. ~E, ~ET Veprimi kur cekëlloj ose cekëllohet diçka, nxjerrje e ujit të barkës.

Shfaq përkufizimin e plotë →
CEKËLLIM

CEKËLLÍM,~III m. sh. ~E, ~ET Veprimi kur cekëlloj dikë a diçka ose kur cekëllohem, të cekëlluarit e dikujt a diçkaje.

Shfaq përkufizimin e plotë →
CEKËLLOJ

CEKËLL/ÓJI vep., ~ÓVA, ~ÚAR kal. Nxjerr ujin e (barkës).

Shfaq përkufizimin e plotë →
CEKËLLOJ

CEKËLLÓJII vep., ~ÓVA, ~ÚAR kal. Prek a godit lehtë (dikë, diçka), ndesh lehtë, cek. Ia cekëllon kryet fëmijës te carani i votrës.

Shfaq përkufizimin e plotë →
CEKËRRIM

CEKËRRÍM,~I m. sh. ~E, ~ET Veprimi kur cekërroj dikë a diçka ose kur cekërrohem, rrokullisje.✱Sin.: rrëkëllim, rrokullim, shakullisje, bregalim, harakuqje.

Shfaq përkufizimin e plotë →
CEKËRROJ

CEKËRR/ÓJ vep., ~ÓVA, ~ÚAR kal. Rrokullis.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë