Fjalori
CAHEM

►CÁHEM jovep., ~A (u), ~UR 1. vetv. Paguhem. Cahem për orët që kam punuar. Cahem çdo muaj.
2. pës. e CÁH.

ÇAHEM

►ÇÁ/HEM jovep., ~VA (u), ~RË 1. vetv., vet. v. III Ndahet në copa për së gjati, merr plasa të thella, ndahet më dysh, hapet. U çanë muret. Çahet thellë (tejpërtej). Ishte mbushur plot, sa mend çahej. Toka do të çahet e tëra. Mali i Ullinjve do të çahet në mes. Rrjedhje e gjakut nga enët që çahen.
2. vetv. Pritem a çirrem thellë me një send të mprehtë ose me majë. U ça me brisk. Iu çanë këmbët nëpër gurë.
3. vetv. Më plasaritet thellë lëkura. Iu ça buza nga të ftohtët. Iu çanë duart nga gëlqerja.
4. fig., bised., vetv. Bëj një veprim me të gjitha fuqitë e me vrull sa më bën të lodhem, të mekem a të mos mundem më. U ça duke ngrënë. U ça duke punuar. Qeni u ça së lehuri.
5. fig., vetv. Më shfaqet një ndjenjë në mënyrë të theksuar; pëlcas, plas. Çahet nga gazi. Çahet nga inati. Zemrat e nënave më dysh u çanë.
6. vetv. Hapen retë; hapet moti, fillon të kthjellohet. Menjëherë çahet reja e ndrin një copë e hënës. U ça nga lindja.
7. fig., vetv. Përparohet me përpjekje, duke kapërcyer ose mënjanuar pengesa e vështirësi. Mund të çahet në tregjet e huaja me shumë vështirësi. Nuk mund të çahet rrethi vicioz i ekonomisë joformale.
8. bised., vetv. Përçahem. U çanë shoku me shokun. U ça fshati.
7. pës. e ÇAJ 1-5. U çanë rrugë e kanale. U ça rrethimi. Lisi çahet me pyka. (fj. u.).
✱Sin.: ndahet, hapet, pritem, çirrem, plasaritet, pëlcas, plas, përçahem.
♦ M’u ça *hunda. M’u ça (m’u hap) *koka. Çahem nën *lëkurë. Çahem e ndahem përpiqem me ç’të mundem për të arritur diçka; bëhem copë; bëhem katërsh; bëj çmos; bëj njërën. U çanë *qiejt. M’u ça *zemra (për dikë).

Rezultate të ngjashme

CAHERË

CAHÉRË ndajf., bised. Ndajnatëherë, ndaj të ngrysur. Arritën caherë.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë