Fjalori
CËRITJE

CËRÍTJ/E,~AI f. sh. ~E, ~ET 1. Zëri gumëzhitës a thumbues i disa kandrave fluturuese; çdo zhurmë që ngjason me këtë. Gumëzhit kodra nga cëritjet e karkalecave. Cëritjet e gjinkallave vijnë nga qielli. Dëgjoheshin cëritjet e qerreve. Kur iu afruan gjolit, dëgjuan cëritjet e ngjalave.
2. Zhurmë si ajo e yndyrës kur nxehet në tigan ose si ajo e currilit të ujit; cërcëritje.

CËRITJE

CËRÍTJ/E,~AII f. sh. ~E, ~ET 1. Veprimi kur cërit dikë ose kur cëritem.
2. fig. Të folurit keqdashës për të ngacmuar dikë. Ata hidhnin ndonjë cëritje si të deshnin ta shtonin zabullimën e vapës.
✱Sin.: thumbim, ngucje, pikëllim, përvëlim.

Rezultate të tjera nga lematizimi ose nga ngjashmëria me formën përfaqësuese: CËRIT
CËRIT

CËRÍTI vep., ~A, ~UR kal. 1. Djeg vajin (gjalpin etj.) në tigan; skuq diçka në tigan. Cërit vajin. Cërit gjalpin.
2. jokal., vet. v. III Cërcëret. Cërit tigani (yndyra).
3. jokal., vet. v. III Bën një zhurmë të lehtë kur bie uji si currili. Jashtë strehët e haurit cërijnë.
✱Sin.: shkrij, cërcëret.

CËRIT

CËRÍTII vep., ~A, ~UR kal. 1. Thumboj; ngacmoj, nguc. Cërit mushkën (gomarin).
2. fig. I shkaktoj dikujt një dhembje therëse; e pikëlloj. I cërit zemrën,
3. jokal., fig., vet. v. III Më bën të ndiej një dhembje therëse, me ngjall një ndjenjë të mprehtë shqetësimi e trishtimi. I cërit zemra. Me cërit në zemër (në shpirt).
✱Sin.: shpoj, ngacmoj, thumboj, ngas, pikëlloj, përvëloj, djeg.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë