Fjalori
BUJARE

BUJÁR/E,~JA f. sh. ~E, ~ET Grua dorëdhënë e zemërgjerë. Bujaret e qytetit (e fshatit, e lagjes). Morën pjesë dhe bujaret e tjera shqiptare. Bujaret e principatave.

Rezultate të tjera nga lematizimi ose nga ngjashmëria me formën përfaqësuese: BUJAR
BUJAR

BUJÁR,~E mb. 1. Që të jep pa ngurrim çfarë i kërkon a çfarë ka; që të ndihmon me çdo gjë që ka, dorëdhënë e zemërgjerë; shpirtgjerë, fisnik; kund. dorështrënguar, koprrac. Njeri bujar. Zemër (natyrë) bujare. Popull bujar. Sjellje (mikpritje) bujare. Ndihmë bujare. Jeta i kishte bërë bujarë. Janë shumë bujarë. I varfri është më bujar se i pasuri. (fj. u.). Sa bujar je, aq miq ke. (fj. u.).
2. I ndershëm e i drejtë; që ka sjellje të mira dhe di të falë, që e ka zemrën të artë; kund. shpirtzi, zemërqen. Trim e bujar. I zgjat dorën bujare.
3. hist. Që ka të bëjë me shtresën e bujarëve, që lidhet me aristokracinë feudale, i bujarëve. Me prejardhje bujare. Rridhte nga një familje bujare.
✱Sin.: fisnik, bukëdhënë, bukëbardhë, dorëdhënë, zemërgjerë, zemërbujar, shpirtbujar, mikpritës, i ndershëm, i drejtë, shpirtlartë, shpirtmadh, zemërgjerë, zemërbardhë, i çiltër, fisnik, i fisëm.

BUJAR

BUJÁR,~I m. sh. ~Ë, ~ËT 1. hist. Pronar i madh tokash në shoqërinë feudale; fisnik.
2. Njeri dorëdhënë e zemërgjerë, njeri me zemër të madhe. Bujar i madh. Na mblidh krushq, na mblidh bujarë, / Nuse lulen për të marrë! (folk.). Shtëpia e bujarit është e mikut dhe e shtegtarit. (fj. u.). Pushka e trimit e sofra e bujarit nuk ndalen. (fj. u.).
3. krahin. Burrë i martuar; kund. beqar.

Rezultate të ngjashme

BUJARESHË

BUJARÉSH/Ë,~A f. sh. ~A, ~AT 1. Vajzë a grua dorëdhënë e zemërgjerë, grua bujare. -Do të të martoj unë me një bujareshë.2. krahin. Grua e martuar; kund. beqare. Bujarët e bujaresha…

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë