Fjalori
BUIT

BUÍT (BUÍS)I vep., ~I, ~UR jokal., vet. v. III 1. Del a mblidhet përnjëherësh e me shumicë, gëlon, vërshon; roit (për bletët); ka me shumicë. Buisin mizat. Buit bleta. Buitën njerëzit nga të katër anët.
2. Mbin përnjëherësh, shpërthen me shumicë (për bimët e lulet); shfaqet përnjëherësh me të gjitha tiparet e veçoritë që ka, shpërthen. Buisën lulet. Buisi pranvera. Buiti një pyll i dendur.
3. fig. Shfaqet me shumicë e me vrull, vjen në një varg të pandërprerë; vlon, zien (për ndjenjat, mendimet etj.); vjen menjëherë, pllakos. Më buisin mendimet. Më buis gjaku. Buis jeta.
✱Sin.: gëlon, vërshon, brufullon, shpërthen, roit, mbin, shfaqet, vjen, vlon, zien, pllakos, bulbëron.

BUIT

BUÍT (BUÍS)II vep., ~I, ~UR jokal., vet. v. III 1. Rrjedh nga pak pika-pika, qan, loton. Buis katruvja (qypi).
2. Bën një zhurmë të mbytur e të vijueshme, gumëzhin; zien ngadalë, duke bërë zhurmë të pandërprerë; buburit. Buit uji në zjarr. Buit gjella.
3. Jehon, ushton nga zhurma, buçet. Buit pylli. Buisin rrugët. Buit lumi. Më buisin veshët.
4. Bulurit. Buiste kau nën diellin e nxehtë.
✱Sin.: rrjedh, qan, loton, gumëzhin, zien, buburit, uturin, ushton, bulbëron, buçet, jehon, pëllet, byrytet, bulurit, ulërin.

BUIT

BUÍT (BUÍS)III vep., ~I, ~UR jokal., vet. v. III (me një trajtë të shkurtër të përemrit vetor në r. dhanore). Më kruhet trupi; më djeg e flluskoset lëkura kur digjem me hithër; zien, më bëhet miza-miza (në trup). Më buis trupi. Më buisin këmbët nga lodhja.
✱Sin.: zien, mizëron, xixëmon.

Rezultate të ngjashme

BUITJE

BUÍTJ/E,~AI f. sh. ~E, ~ET [BUÍSJ/E,~AI f. sh. ~E, ~ET] 1. Veprimi kur buit (bleta, grerëza etj.); dalje grumbull a me shumicë; gëlim. Buitja e bletëve.2. Mbirje e menjëhershme dhe…

Shfaq përkufizimin e plotë →
BUITJE

BUÍTJ/E,~AII f. sh. ~E, ~ET [BUÍSJ/E,~AII f. sh. ~E, ~ET] 1. Rrjedhje pika-pika. Buisja e ujit të shtambës (të gjymit).2. Zhurmë e mbytur dhe e vijueshme; buburitje. Buisja e ujit …

Shfaq përkufizimin e plotë →
BUITJE

BUÍTJ/E,~AIII f. sh. ~E, ~ET [BUÍSJ/E,~AIII f. sh. ~E, ~ET] Kruajtje ose djegie e trupit nga prekja e hithrave etj.✱Sin.: zierje, mizërim, xixëmim.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë