Fjalori
BUBURREC

BUBURRÉC,~I m. sh. ~A, ~AT dhe ~Ë, ~ËT 1. zool. (lat. Calosma) Kandërr me krahë të fortë e me brirthë të gjatë, zakonisht me ngjyrë të zezë a të errët të ndritshme, që rron në plehra, në mure etj. Buburreci i drithërave. Buburreci i duhanit. Luftimi i buburrecit. Ecën si buburrec. Shtohen si buburrecat. U bë buburrec (dikush) u mblodh nga frika.
2. zool. Pjesë e parë e emërtimeve të pathjeshta për disa nga llojet e kësaj kandrre. Buburreci i bizeles (lat. Bruchus pisorum) buburrec i zi me pika të bardha a të verdha, që lëshon vezët në bishtajat e bizeles etj. Buburreci drubirues (lat. Capnodis tenebrionis) buburrec i zi me kokë petashuqe, që dëmton kryesisht degët dhe gjethet e njoma të pemëve frutore. Buburreci i fasules (lat. Acanthoscelides obsoletus) nënlloj i buburrecit të bizeles. Buburreci i luleve (lat. Omophlus lepturoides) buburrec me kokë të zezë e me flatra ngjyrë bronzi, i përhapur në Europën Qendrore e Jugore, që dëmton lulet. Buburreci me kryq (lat. Anisoplia agricola) buburrec rreth një cm i gjatë, me katër pulla të kuqërreme a të verdha në sipërfaqen e flatrave, me brirthë të shkurtër e me këmbë të gjata, që dëmton kallinjtë e njomë të drithërave. Buburreci i patates (lat. Leptinotarsa decemlineata) buburrec deri një cm i gjatë, me krahë me vija të verdha ose të kuqërreme a të zeza dhe kokë me pika të errëta, që dëmton pataten.
3. zool. Mizë dheu; milingonë; mizë përdhese.
4. zool. Bishtfultere. Buburrec me bisht të lëvizshëm e shpatuk.
5. fig., mospërf. Njeri me trup të vogël, pesë (dy) para burrë.

Rezultate të ngjashme

BUBURRI

BUBURRÍ,~TË f. vet. sh. Gënjeshtra, rrena. - Lëri buburritë, se nuk t’i ble kush!

Shfaq përkufizimin e plotë →
BUBURRIKË

BUBURRÍK/Ë,~A f. sh. ~A, ~AT Nishan i vogël në fytyrë a në trup. I dolën vajzës ca buburrika, iu bënë si prush në qafë. - Ç’i ke këto buburrika laramane në fytyrë?!

Shfaq përkufizimin e plotë →
BUBURRUQE

BUBURRÚQ/E,~JA f. sh. ~E, ~ET bot. (lat. Senecio vulgaris) Bimë barishtore njëvjeçare e yjoreve, me kërcell deri pesëdhjetë cm të lartë, me lule të verdha, që lidh fara me xhufkë p…

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë