Fjalë që fillojnë me...
Fjalë me të njëjtat parashtesa ose tema fjalëformuese.
BRÉNDA ndajf. 1. Në pjesën ose në anën e brendshme të një sendi, në pjesën ose në anën që nuk duket (edhe si em.); në vendin a në hapësirën që përfshijnë kufijtë e diçkaje, në pjesën e brendshme të diçkaje, në brendësi; në hapësirën që kapin kufijtë e një vendi; në një vend të mbyllur; kund. jashtë. Brenda në shishe (në kusi). Brenda në det (në lumë). Brenda në shtëpi (në dhomë). Brenda në pyll. Brenda në qytet. Brenda në tokë. Brenda në trup (në kokë). Hyri brenda. Mbetën brenda. Është kalbur nga brenda. E nxori nga brenda. Kush i bën varrin shokut bie vetë brenda. (fj. u.). Po nuk e pate të ligën brenda, s'të vjen nga jashtë. (fj. u.). Kalaja merret nga brenda. (fj. u.).
2. Në pjesën e brendshme të diçkaje, në pjesën që nuk duket, në sipërfaqen e brendshme; kund. jashtë. Lyej (vesh) nga brenda.
3. Në gjirin e një grupi shoqëror, të një familjeje, të një njësie administrative, të një ndërmarrjeje, të një organizate etj.; kund. jashtë.
4. Në zemrën e në shpirtin e dikujt, në botën e brendshme, përbrenda. E mbaj brenda nuk e shpreh, nuk e shfaq atë që ndiej.
5. sport. Në fushën e ekipit vendës; kund. jashtë. Ndeshjen tjetër e kemi brenda.
6. si mb. Që bëhet nga pjesëtarët e kompanisë a të familjes; që është i brendshëm, si i familjes. Punë brenda. Dhëndër brenda.
✱Sin.: përbrenda, brendapërbrenda, brendazi.
♦ Ra brenda (dikush). 1. E futën në burg, u burgos, ra në burg. 2. U ndodh në kushte të vështira ose në një gjendje të keqe a të rrezikshme që nuk e priste; ra plotësisht në një gabim dhe e pësoi. 3. U dashurua, ra në dashuri; e ka zënë qymyri shaka.; i ka hyrë fitili shaka. Sa për të qenë brenda sa për të qenë në rregull me diçka, që të mos jem në kundërshtim me të; sa për të përmbushur diçka dosido e formalisht. I hyj (i futem) brenda (diçkaje) e kuptoj mirë, e kap thelbin e saj, e marr vesh ashtu si është; njoh thelbin e një çështjeje. Na hyri *dhëndër brenda (dikush) tall. Jam brenda. 1. Nuk vij në kundërshtim me një rregull, me një kërkesë të përgjithshme etj., i përmbahem me kujdes ashtu si kërkohet. 2. keq. I përmbahem formalisht diçkaje, përpiqem të zbatoj, së paku në dukje, një masë, një rregull, një ligj etj. 3. E di mirë diçka, e njoh një çështje në brendi; e bëj si çështje timen. E mori *kalanë (kështjellën) nga brenda (dikush).
BRÉNDA parafj. (me një emër të r. rrjedhore) 1. Kur diçka ndodhet a kryhet në pjesën e brendshme të sendit ose në vendin që shënon emri, në hapësirën që përfshijnë kufijtë e një vendi, në pjesën që nuk duket të diçkaje etj.; përbrenda; kund. jashtë. Brenda shtëpisë (dhomës, klasës). Brenda mureve të oborrit. Brenda portës. Brenda vendit (shtetit). Brenda kufijve (caqeve). Kishte tokë e shtëpi brenda e jashtë famullisë. Brenda fushës (sport.).
2. Kur dikush a diçka ndodhet ose kur diçka kryhet në gjirin e një grupi shoqëror, të një njësie administrative, të një ndërmarrjeje, të një organizate a të diçkaje tjetër të shënuar nga emri, në brendësi të asaj që shënon emri; kund. jashtë. Brenda ndërmarrjes (kompanisë). Brenda lëvizjes. Brenda garës. Brenda listës. Brenda radhëve.
3. Kur diçka nuk i kalon kufijtë, masën, numrin, mundësitë etj., kur bëhet ashtu si është vendosur a pranuar; kur diçka kryhet në përputhje me atë që shënon emri, sipas asaj që shënohet nga emri; kund. jashtë. Brenda planit. Brenda programit. Brenda zotimit (parashikimit). Brenda numrit. Brenda mundësive. Brenda rregullit. Brenda rregullores. Brenda radhës. Brenda ligjeve. Brenda temës.
4. Kur diçka kryhet në kohën e caktuar ose gjatë kohës që shënon emri, ndërmjet kufijve të kësaj kohe; kund. jashtë. Brenda ditës (javës, vitit). Brenda prillit (shtatorit...). Brenda orarit. Brenda orëve të mësimit (të punës). Brenda një kohe të shkurtër. Brenda tre muajsh (pesë minutash).
BRENDADHÉSH/ËM (i), ~ME (e) I nëndheshëm. Dukuri e brendadheshme.
Shfaq përkufizimin e plotë →BRENDAEPTÍM,~I m., gjuh. Përdorimi i morfemave për të treguar një ndryshim sintaksor a semantik brenda fjalës; eptim i brendshëm. Fjalë pa brendaeptim.
Shfaq përkufizimin e plotë →BRENDAFISNÓR,~E mb. Që lidhet a që ka të bëjë me fisin, që i përket fisit; që bën pjesë në fis; që është a që bëhet brenda fisit; fisnor; kund. jashtëfisnor. Martesa brendafisnore.…
Shfaq përkufizimin e plotë →BRENDAKAFKÓR,~E mb., anat. Që ndodh a që shfaqet brenda kafkës. Zgjerues brendakafkor.
Shfaq përkufizimin e plotë →BRENDAMITRÓR,~E mb., mjek. Që është ose që zhvillohet brenda mitrës. Çrregullime brendamitrore.
Shfaq përkufizimin e plotë →BRENDANDÉZUR (i, e) mb., libr. 1. Që digjet pa flakë. Zjarr i brendandezur.2. fig. Që vlon përbrenda, që nuk shuhet. Ndjenjë (plagë) e brendandezur.
Shfaq përkufizimin e plotë →BRENDAPARTIÁK,~E mb. Që ndodh a që shfaqet brenda një partie. Problem (konsultim, votim, debat) brendapartiak. Organizim (komision) brendapartiak. Çështje (reformë, luftë, konkurre…
Shfaq përkufizimin e plotë →BRENDASHTÉSË,~A f., gjuh. Lloj ndajshtese brenda trupit të fjalës. Me anë të brendashtesës -pa- krijohen fjalët e prejardhura “i pasjellshëm” e “i papunuar”.
Shfaq përkufizimin e plotë →BRENDATRUPÓR,~E mb., mjek. Që ndodhet a që zhvillohet brenda trupit. Pastrimi brendatrupor i gjakut. Komunikimi brendatrupor.
Shfaq përkufizimin e plotë →BRÉNDAZI ndajf. 1. Nga brenda, së brendshmi; kund. jashtazi. Këtë duhet ta kërkojmë e ta gjejmë brendazi. Ka një vlerë të madhe brendazi dhe jashtazi. Një krenari që vjen brendazi.…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë