Fjalori
BORA

BÓRA f., palak., meteor. Erë e ftohtë e veriperëndimit, që fryn nga Adriatiku. Një kasolle të ketë i ziu, / Mos e hajë bora dhe shiu. (folk.).

Rezultate të tjera nga lematizimi ose nga ngjashmëria me formën përfaqësuese: BORË
BORË

BÓRË mb. 1. Që ka ngjyrë si të borës, i bardhemë. Çarçafët borë.
2. Shumë i ftohtë, akull. I ishin bërë duart borë.
✱Sin.: i bardhemë, i akullt, akull, i acartë, brisk.

BORË

BÓRË ndajf. Shumë (zakonisht me mbiemrat “i ftohtë”, “i bardhë”, “i pastër”). Qeleshe e bardhë borë (borë e bardhë). Borë i pastër. Fustanella borë e bardhë, / Si bora sipër në mal. (folk.).

BORË

BÓR/Ë,~AI f. kryes. nj. sh. ~ËRA, ~ËRAT 1. Reshje atmosferike që bie nga retë flokë-flokë në trajtë kristalesh të bardha; shtresa e bardhë e këtyre flokëve, që mbulojnë vendin aty ku bien; dëborë; bardhole, bardhoshe. Borë e madhe (e dendur). Borë e imët (e ngrirë, e qullët). Borë e thatë. Borë e kuqe borë që ka marrë ngjyrën e kuqe për shkak të disa mikroorganizmave të atmosferës. Bora e parë. Borë e vonë. Borë e përhershme (e përjetshme, shekullore). Bora e pleqërisë (poet.) thinjat e pleqërisë. Shi me borë. Flokë (fije, kristale, fjolla) bore. Lule bore (bot.). Top (shuk, lëmsh) bore. Ortek bore. Shtresë bore. Re bore. Shtrat bore llohë. Pah (endë) bore. Ujë bore. Kodër bore. Tufan bore. Vija e borës kufiri deri ku qëndron bora edhe në verë. Zog bore (zool.). Ana e borës ana e veriut. Mal me borë. Bie (hedh) borë. Çaj borën. Ngjit (zë) bora. Zbardhi bora. Zuri bora borën. Shkas në borë. Shkrin si bora në diell. I bardhë si bora. Shkëlqen si bora. Si duroj, veç unë e di, / tretem si bora në shi. (folk.). Mali më i madh ka borë më shumë. (fj. u.). Malet e larta mbajnë borën në kurriz. (fj. u.). Vera me lule, dimri me borë. (fj. u.). Bora është jorgani i bimës. (fj. u.). Bora e bardhë është, por e dhjesin qentë. (fj. u.).
2. meteo. Erë e fortë dhe e ftohtë e veriperëndimit, që fryn nga Adriatiku.
✱Sin.: dëborë, bardhole, bardhoshe.
♦ U bëra borë shih u bëra akull1. M’u bë zemra borë shih m’u bë zemra akull. Më ka rënë bora në krye jam thinjur (nga pleqëria). Kur të bjerë bora e kuqe kurrë, asnjëherë; kur të pjellë mushka; kur të bjerë shi i kuq; kur të bëhet ylli hënë. Borë në maj (në diell) diçka e papritur e që kalon shpejt, që nuk zgjat; diçka pa jetë të gjatë, që zhduket brenda një kohe të shkurtër. *Mal me borë. Si të marrë bora si të vijnë rrethanat, si të jetë puna, merr për mirë a për keq. E nxin edhe borën (dikush) përb. është shpirtlig, është zemërzi, u do të keqen të tjerëve; e ka zemrën (shpirtin) katran; e ka zemrën të zezë; e ka shpirtin të zi.

BORË

BÓR/Ë,~AII f. Humbje e madhe; prishje; rrënim. Kur na mori bora.

BORE

BÓR/E,~JA f. sh. ~E, ~ET Dhi shumë e bardhë.

Rezultate të ngjashme

BORAGJINORE

BORAGJINÓR/E,~JA f. sh. ~E, ~ET zool. Laureshë e madhe; borës.

Shfaq përkufizimin e plotë →
BORAK

BORÁK,~U m. sh. ~Ë, ~ËT zool. Borës.

Shfaq përkufizimin e plotë →
BORAKE

BORÁK/E,~JA f. sh. ~E, ~ET zool. (lat. Alauda arvensis) Çerdhukël, laureshë2. Tufë borakesh.

Shfaq përkufizimin e plotë →
BORAKS

BORÁKS,~I m., kim. Lëndë kimike kristalore që del nga bashkimi i acidit borik me sodë dhe që përdoret për të ngjitur metalet, për të prodhuar qelqin, për t’i dhënë shkëlqim porcela…

Shfaq përkufizimin e plotë →
BORAKËS

BORÁKËS,~I m. sh. ~, ~IT zool. Borës.

Shfaq përkufizimin e plotë →
BORASHKË

BORÁSHK/Ë,~A f. Shtjellë, ciklon ere me borë; stuhi deti.

Shfaq përkufizimin e plotë →
BORAÇË

BORÁÇ/Ë,~A f., kim. Boraks.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë