Fjalori
BOÇE

BÓÇE mb. Që është skuqur pa u prishur e verdha. Vezë boçe.

BOÇE

BÓÇ/E,~JA f. sh. ~E, ~ET Boçë.

BOCË

BÓC/Ë,~AI f. sh. ~A, ~AT shtypshkr. Fletë e shtypur me një tekst libri, gazete etj., që shërben për provë dhe për të bërë ndreqjet e gabimeve të shtypit. Bocat e para (e dyta). Bocat e librit (e gazetës, e revistës). Boca në shtylla (në faqe). Korrigjimi i bocave.

BOCË

BÓC/Ë,~AII f. sh. ~A, ~AT Enë prej qelqi për ujë, për verë etj., që zakonisht mbahet mbi tryezë; shishe e vogël, faqore. Bocë njëlitërshe (dylitërshe). Bocë me ujë (me verë). Bocë për bojë.
✱Sin.: shishe, meste, bocel, faqore, bocun, botile, buzësumbull, bode.

BOCË

BÓC/Ë,~AIII f. sh. ~A, ~AT Plis dheu. Shkoq bocat me varre.

BOÇË

BÓÇ/Ë,~A f. sh. ~A, ~AT 1. Burbuqe. Boçat e kumbullës. Boçe trëndafili. Çel boçe.
2. Fryti i disa bimëve (si pambuku, pisha etj.) në trajtë të rrumbullakët ose konike dhe me lëvore të fortë; bloçkë, boçël, rupizgë. Boçë pambuku. Boçë pishe (bredhi). Boça me fara. Boça të reja. Boçat e pjekura. Krimbi i boçës. Lidh (çel) boça. Pëlcasin boçat.
3. Lëvozhga e tultë që mbështjell frytin e disa bimëve (si arra, gështenja etj.); shark. Boça e gështenjës (e arrës). Qëroj boçat. Nxjerr kokrrën nga boça. Boça e kresë (anat.) kupa e kresë; rrabotë. I ra në boçë të kresë.
4. Send i rrumbullakët dhe i madh sa grushti, topth; qeskë e vogël dhe e rrumbullakët. Boçë dëbore. Boçë kandari. Boçat e syve.
5. Koçan misri, misërishte. Boçë kallamboqi. Ndez zjarrin me boça.
6. Masur i drunjtë, ku mbështjellim fillin e leshit të dredhur për të bërë spikun. Mbledh në boçe.
7. E verdha e vezës; vezë syze (për vezët e fërguara, kur e verdha mbetet e paprishur). E fërgoj vezën boçë.
8. Lule a zbukurim tjetër, që qëndiset në shami, në çorape, në bluzë etj. Shami me boça. End boça.
9. anat. Boçërr. Boça e fytit. Ia ngjiti thonjtë në boçë.
✱Sin.: burbuqe, gonxhe, bumbeskë, sumbull, shark, çaçanik, kablesh, guaskë, guall, gishtje, breshnizë, bramsh, topth, kokël, kokërr, tokël, koqe, bloçkë, misërishte, bokël, kacarrum, shushallë, shkokël, bërçuk, brolle, rrumb, masur, sovajkë, rodhan, fytëz, gurgur, mbështjellës, fikth, komb, boçërr, kikëz, gabzherr, guxhumar.
♦ E bëri *drithë e boça (dikush) keq. Bën *gardh me boça (dikush) tall. E ka syrin boçë (dikush) krahin. s’i trembet syri për shpenzimet që mund të ketë, nuk pyet.

Rezultate të ngjashme

BOÇETHYES

BOÇETHÝES,~I m. sh. ~, ~IT zool. (lat. Nucifraga cariocatactes; Corvus caryocatactes) Shpend pak më i madh se sorra, me pendë ngjyrë kafe të errët, me cirka të bardha, me sqep të z…

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë