Fjalori
BISTËR

BÍSTËR mb. 1. Shumë i ftohtë e i kulluar, që s’ka lëndë të huaja, i tejdukshëm, i qartë, i cemtë, i nartë (për ujë, për lëngje etj.). Burim me ujin bistër. Raki bistër e pikë loti.
2. Që është shumë i thartë, thartiçkë, bistërok. Verë bistër. Kumbull bistër. Uthull bistër. - Bistër fare!
3. fig. Që e ka gjuhën shumë të mprehtë, që përgjigjet shpejt, ashpër e të ther me fjalë; gjuhustër; bised. piperkë, hazërxhevap. Ishte bistër nga goja.
4. fig. I gjallë, i shpejtë dhe i lehtë në lëvizje a në veprime, i zhdërvjellët, shpuzë; që i jepet për çdo punë, duarflori. Ka një çupë bistër. Grua bistër. Është bistër në punë. - Bistër i kemi të rinjtë!

BISTËR

BÍSTËR ndajf. Shumë (me mbiemrat “i zgjuar”, “i shpejtë”, “i cemtë”, “i thartë” etj.). Është bistër e zgjuar.

BISTËR

BÍST/ËR,~RAI f. sh. ~RA, ~RAT 1. zool. (lat. Syngnathus typhle; Xylocotta marittima) Peshk deti me trup të hollë e të gjatë si ngjalë; gjilpërëz. Kapi me rrjetë ca bistra.
2. zool. Shpend deti me sqep të gjatë dhe me pendë të bardha.
3. mit. Figurë e përrallave që përfytyrohet si gjarpër i madh me shumë kokë; llamje, kuçedër.
4. fig. Femër e zgjuar dhe e shkathët. U bë një bistër ajo që s’e ka shoqen.

BISTËR

BÍST/ËR,~RAII f. sh. ~RA, ~RAT Acar, ngricë. Si ujkonjat nëpër bistër.
✱Sin.: acar, ngricë, ngrijë, mardhë, akullimë, akullirë.

Rezultate të ngjashme

BISTËROK

BISTËRÓK,~E mb., bised. Bistër2. Rrush bistërok.

Shfaq përkufizimin e plotë →
BISTËROK

BISTËRÓK,~U m. sh. ~Ë, ~ËT 1. Fryt i thartë dhe i papjekur mirë, aguridhe.2. fig., keq. Njeri, zakonisht i ri e i papjekur, aguridhe.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë