Fjalori
BINDUR

BÍNDUR (i, e)1 mb. 1. Që i është mbushur mendja për diçka, që ka bindje, që ka besim të plotë e shumë shpresa për diçka, shpresëplotë, optimist; që shpreh bindje të fortë. Njeri i bindur. Jam i bindur. I bindur se ia kishte arritur qëllimit.
2. Që i zbaton pa kundërshtuar kërkesat, porositë a urdhrat e dikujt; që nuk kundërshton, i dëgjueshëm; kund. i pabindur. Fëmijë i bindur. Vajzë e bindur. Njeri i bindur. I madhi duket i bindur, i vogli është i bindur. (fj. u.).
3. si em. m. e f. Sipas kuptimit 2 të mbiemrit. Të bindurit e atij sistemi. Përndjekja e të bindurve. Ishin më të bindurit ndër shqiptarët.
✱Sin.: i urtë, i bindshëm, i dëgjueshëm, i butë, i pafjalë, i disiplinuar.

BINDUR

BÍNDUR (i, e)II mb. I habitur; i tronditur; i lemerisur.

BINDUR

BÍNDUR,~IT (të) as. Bindje. Të bindurit me kuptim. Të bindurit e njerëzve. Të bindurit me shpirt e me zemër. Mënyra e të bindurit.

Rezultate të tjera nga lematizimi ose nga ngjashmëria me formën përfaqësuese: BIND
BIND

BIND,~I m. sh. ~E, ~ET 1. Diçka që ngjall habi me madhësinë ose me pamjen e jashtëzakonshme a të frikshme që ka; çudi, habi. Bindi i dheut (i botës, i tokës). Për bind në mënyrë të çuditshme, në mënyrë të jashtëzakonshme e të frikshme.
2. mit. Vigan, div. Hije bindi.

BIND

BIND vep., ~A, ~UR kal. 1. I mbush mendjen dikujt me arsyetime, me të dhëna e me prova se diçka është e vërtetë a e drejtë dhe e bëj të besojë plotësisht për këtë; e bëj të pranojë diçka si të vërtetë e të drejtë dhe të mos dyshojë për këtë; shtroj. Bind shokët. Bind me fjalë (me fakte, me prova). Përpiqem (arrij) ta bind. - A e binde këtë herë? E bind me të mirë.
2. bised., fig. Bëj dikë të ngrijë në vend (nga diçka e papritur), e çudit, e habit, e mahnit. Bindi botën me këtë shpikje. E bindi kuçedrën me gjitha ato çudira që bënte. (folk.).
✱Sin.: çudit, habit, mahnit, shtang, ngrij, nguros, nguroj, topit.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë