Fjalori
BILANC

BILÁNC,~I m. sh. ~E, ~ET 1. fin. Përfundim që del nga krahasimi i të ardhurave me shpenzimet kur mbyllim një llogari; pasqyra përmbledhëse me këtë përfundim. Bilanci vjetor (mujor). Bilanc përmbledhës. Bilanci i pagesave. Bilanci i fuqisë punëtore. Bilanci i kompanisë. Pasqyra e bilancit. Hartimi i bilancit. Bëj (nxjerr, mbyll, paraqit) bilancin.
2. ek. Shprehje me shifra e marrëdhënieve ndërmjet anëve të një veprimtarie, të cilat baraspeshojnë njëra-tjetrën. Bilanci i industrisë (i eksportit). Metoda e bilancit. Bilanc aktiv (fin.) bilanc në të cilin të ardhurat janë më të mëdha se shpenzimet. Bilanc i likuidimit (fin.) pasqyrë e gjendjes së një kompanie të falimentuar. Bilanc pasiv (fin.) bilanc në të cilin shpenzimet janë më të mëdha se të ardhurat. Bilanci tregtar (fin.) pasqyrë e raportit midis eksportit dhe importit të mallrave.
3. fig. Pasqyrë e përfundimeve të arritura në një fushë veprimtarie brenda një kohe të caktuar, vështrim përmbledhës e vlerësues i arritjeve. Bilanc i pasur (i shkëlqyer). Bilanci i punës. Bilanci i ditës. Bëj bilancin.
4. spec. Marrëdhënie ose përpjesëtime ndërmjet dy anëve të një dukurie, të një veprimi etj. Bilanci ushqimor. Bilanci i ngrohtësisë. Bilanci i kohës. Bilanc termik (fiz., meteor., tek.) baraspeshë midis energjisë termike të rrezatuar nga një burim drejt një trupi dhe rrezatimit të energjisë nga trupi marrës.

Rezultate të ngjashme

BILANCIER

BILANCIÉR,~I m. sh. ~Ë, ~ËT tek. Pajisje që kundërbalancon një forcë. Bilancieri i orës. Kontrolloj bilancierin e motorit.

Shfaq përkufizimin e plotë →
BILANCIM

BILANCÍM,~I m. sh. ~E, ~ET fin. Veprimi kur bilancoj; të bërit e bilancit, barazimi i të gjitha llogarive. Bilancimi i shpenzimeve me të ardhurat. Procesi i bilancimit. Mbi bazën e…

Shfaq përkufizimin e plotë →
BILANCOJ

BILANC/ÓJ vep., ~ÓVA, ~ÚAR fin., kal. Bëj bilancin e të ardhurave dhe të shpenzimeve. Bilancoj llogaritë. Bilancojmë prodhimin e energjisë.

Shfaq përkufizimin e plotë →
BILANCUES

BILANCÚES,~E mb., fin. Që ka të bëjë me bilancin, që lidhet me barazimin e të gjitha llogarive në një situatë kur të ardhurat dhe shpenzimet janë të barabarta. Raport bilancues. Ta…

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë