Fjalori
BETONUAR

BETONÚAR (i, e) mb. 1. ndërt. Që është shtruar a që është veshur me beton; i përforcuar me beton. Shesh i betonuar. Këmbësore të betonuara. Sipërfaqe (urë) e betonuar. Pozicion i betonuar (usht.).
2. keq. Që është mbushur me ndërtime të shumta prej betoni, pa projekte e pa kritere; që nuk ka hapësira të gjelbëruara. Hapësira të betonuara. Qytet i betonuar.
3. fig., edhe keq. Shumë i mbrojtur e i qëndrueshëm, që nuk mund ta ndryshosh lehtë; që nuk mund të çahet a të shkatërrohet. Mbrojtje e betonuar. Pushtet i betonuar. Qëndrime të betonuara.

Rezultate të tjera nga lematizimi ose nga ngjashmëria me formën përfaqësuese: BETONOJ
BETONOJ

BETON/ÓJ vep., ~ÓVA, ~ÚAR kal. 1. ndërt. Mbush, vesh ose shtroj diçka me beton; forcoj me beton. Betonojnë këmbët e urës (murin, tunelin, themelet).
2. fig., keq. Dëmtoj rëndë mjedisin dhe natyrën duke ndërtuar objekte të ndryshme (pallate, lokale etj.) me beton; nuk lë hapësira të gjelbra për çlodhje, argëtim etj. E betonuan lagjen (qytetin). Betonoi gjithë zonën e gjelbër.
3. fig., kryes. sport. Marr masa më të forta për të mbrojtur dikë a diçka nga ndonjë sulm, nga ndonjë rrezik etj. E betonuan tregun nga konkurrenca e lirë. Betonoi fitoren. Betonoi sulmin me një lojtar të ri (sport.).

Rezultate të ngjashme

BETONUES

BETONÚES,~E mb., ndërt. Që shërben për gatimin e betonit. Material betonues.

Shfaq përkufizimin e plotë →
BETONUES

BETONÚES,~I m. sh. ~, ~IT ndërt. Punëtor që merret me përgatitjen e betonit dhe me punimet e betonimit.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë