Fjalë që fillojnë me...
Fjalë me të njëjtat parashtesa ose tema fjalëformuese.
►BASHKÓH/EM jovep., ~ÓVA (u), ~ÚAR 1. vetv. Lidhem me një tjetër për të formuar një të tërë, shkrihem në një njësi me një tjetër; v. III njësohet, puqet; kund. ndahem. U bashkuan në një fshat. U bashkuan në një organizatë. Oksigjeni bashkohet me hidrogjenin. Zjarri dhe uji nuk bashkohen dot. (fj. u.).
2. vetv. Hyj në një grup me të tjerë, grupohem, përzihem, rreshtohem e shkoj bashkë me ta. Bashkohem me shokët. U bashkuan me çetën. U bashkuan me grevistët.
3. vetv., kryes. sh. Lidhemi fort për një çështje të përbashkët, forcojmë njësimin, ngjeshim radhët për një qëllim të përbashkët; arrijmë një sasi të caktuar, jemi (si numër). Në mërgim mërgimtarët bashkohen më shumë. U ndave - u përlave, u bashkove - u forcove. (fj. u.).
4. vetv. Miratoj a përkrah mendimin e dikujt, marr anën e dikujt; pranoj e përkrah një mendim, një pikëpamje, një vendim, një kërkesë etj. të një tjetri; bëhem me dikë; pajtohem. Bashkohem me mendimin e shokëve. Bashkohem me vërejtjet (me propozimet). Bashkohem me parafolësit. Nuk bashkoheshin me sjelljet e tij.
5. vetv., bised. Takohem me dikë; takohem me dikë që ka shkuar përpara. Bashkohemi në shtëpi.
6. vetv., bised. Lidhem me martesë, martohem; kund. ndahem. U bashkuan e u trashëguan. Pas një muaji u bashkuan përsëri.
7. vetv., euf. Bie në marrëdhënie seksuale, çiftohen (për kafshët). Bleta mëmë bashkohet me meshkujt.
8. pës. e BASHKÓJ1.
✱Sin.: lidhem, njësohem, puqem, grupohem, përzihem, rreshtohem, bëhem, pajtohem, takohem, martohem, çiftohem.
BASHK/ÓJ vep., ~ÓVA, ~ÚAR kal. 1. Afroj një send me një tjetër aq sa të puqen, i bëj bashkë, i vë shumë pranë; i lidh bashkë dy a më shumë sende; kund. ndaj, veçoj. Bashkoj duart (…
Shfaq përkufizimin e plotë →BASHKÓR,~I m. sh. ~Ë, ~ËT aut. Mekanizëm që lidh ose shkëput motorin nga sistemi i transmisionit. Bashkor pa zhurmë. Iu prish bashkori.
Shfaq përkufizimin e plotë →BASHKORGANIZATÓR,~E mb. 1. Bashkorganizues. Universitetet bashkorganizatore të konferencës.2. si em. m. e f. Sipas kuptimit të mbiemrit. Shkolla u bë bashkorganizatore e panairit t…
Shfaq përkufizimin e plotë →BASHKORGANIZÚES,~E mb. 1. Që organizon një veprimtari, një punë etj. së bashku me dikë tjetër a me të tjerë; bashkorganizator. Institutet bashkorganizuese të konferencës.2. si em. …
Shfaq përkufizimin e plotë →BASHKORTÁK,~U m. sh. ~Ë, ~ËT Ai që është ortak me dikë tjetër a me të tjerë. Bashkortak në biznes (në ndërtime). E kishte bashkortak.
Shfaq përkufizimin e plotë →BASHKORTÁK/E,~JA f. sh. ~E, ~ET Ajo që është ortake me dikë tjetër a me të tjera. U deklarua si bashkortake.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë