Fjalori
AKORDUAR

AKORDÚAR (i, e) mb. Që është akorduar, që ka hyrë në akord; që është harmonizuar; kund. i çakorduar. Violinë e akorduar (e çakorduar).

Rezultate të tjera nga lematizimi ose nga ngjashmëria me formën përfaqësuese: AKORDOJ
AKORDOJ

AKORD/ÓJ vep., ~ÓVA, ~ÚAR kal. 1. muz. Vë në akord telat e një vegle muzikore ose sjell në të njëjtin ton zërat ose veglat muzikore, harmonizoj, përputh ose pajtoj në një ton muzikor; rregulloj ose harmonizoj një instrument; kund. çakordoj. Akordoj violinën (mandolinën, kitarën, pianon). Akordoj veglat. Akordoj zërat.
2. Bëj që të jetë diçka në përputhje ose në harmoni, harmonizoj elemente, njësi, pjesë etj. Akordoj planet. Akordoj nenet me statutin. Akordoj diskutimet rreth një çështjeje.
3. radio. Vë radion në një valë të caktuar për t’u lidhur me një dhënës. Akordoj marrësin me dhënësin.
4. libr. Pajtoj ose bashkërendoj interesat a qëllimet mes dy palëve, bie në bashkëmarrëveshje. Akordoi interesat (pikëpamjet). I akordoi telat me dikë (keq.) është marrë vesh, ka rënë në ujdi me dikë. I vuri në akord punët i vuri në terezi punët.
5. ek. Jap ose miratoj një kredi, një bursë, një fond, një tender etj. Banka e akordoi kredinë. Akordoi fonde për bujqësinë.
✱Sin.: përshtat, pajtoj, përputh, harmonizoj, miratoi, lejoj.

Rezultate të ngjashme

AKORDUES

AKORDÚES,~I m. sh. ~, ~IT 1. Ai që merret me akordimin e veglave muzikore. Akordues i zërave të korit. Akorduesi i instrumenteve të ansamblit folklorik. 2. Pajisje, instrument për …

Shfaq përkufizimin e plotë →
AKORDUESE

AKORDÚES/E,~JA f. sh. ~E, ~ET Ajo që merret me akordimin e veglave muzikore, ajo që akordon instrumente muzikore. Mungon akorduesja e instrumenteve me dridhje. Akorduese e kitarës.

Shfaq përkufizimin e plotë →
AKORDUESHMËRI

AKORDUESHMËRÍ,~A f. Të qenët i akorduar ose i akordueshëm, vetia e diçkaje që është e akordueshme. Akordueshmëria e veglave me tela.

Shfaq përkufizimin e plotë →
AKORDUESHËM

AKORDÚESH/ËM (i), ~ME (e) mb. Që akordohet, që mund të akordohet; që është me mundësi akordimi. Lazer i akordueshëm. Shirita të akordueshëm midis temperaturave të ulëta e të larta.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë