Fjalori
ÇERDHE

ÇÉRDH/E,~JA f. sh. ~E, ~ET 1. Vend që e bëjnë zogjtë dhe disa kandrra për të çelur vezët, për të rritur të vegjlit e për t’u mbrojtur; vrimë në tokë që bëjnë disa kafshë të vogla; fole. Çerdhe zogjsh. Çerdhe dallëndyshesh (harabelash). Çerdhe grerëzash. Çerdhe minjsh. Çerdhe mushkonjash pellg me ujë ku rriten me shumicë mushkonjat. Çerdhe me thupra (me baltë, me kashtë). Bën (ngre, ndërton) çerdhen. Zë çerdhen. Ndër malet tona shkaba ka çerdhen.
2. përmb. Të vegjlit e një kafshe që kanë lindur dhe që rriten së bashku. Çerdhja e gicave. Çerdhja e koteleve.
3. fig. Banesa a vatra familjare. Çerdhja familjare. Ngre (krijoj) çerdhen. I prish çerdhen e familjes.
4. Institucion për rritjen dhe edukimin e fëmijëve deri në moshën tre vjeç. Çerdhe ditore. Çerdhe stinore. Fëmijët e çerdhes. Edukatoret e çerdhes. Çoj në çerdhe. Marr nga çerdhja.
5. fig. Vendi ku rriten dhe edukohen njerëzit për një veprimtari të caktuar; keq. vend ku përgatiten një grup njerëzish për një veprimtari të caktuar. Çerdhe e gjallë (e zjarrtë). Çerdhe lirie. Çerdhe hajdutësh (kusarësh). Çerdhe të korruptuarish. Duke e quajtur banesën e mësuesit të vjetër si çerdhe të propagandës armiqësore.
6. usht. Llogore nga e cila bën zjarr një grup luftëtarësh ose një armë e lehtë. Çerdhe zjarri. Çerdhe pushkatarësh. Çerdhe mitralozi. Zë çerdhen. Shkatërroj një çerdhe.
7. gjuh. Grupi i fjalëve që janë formuar nga një rrënjë e përbashkët. Çerdhe fjalësh. Fjalor me çerdhe.
8. si ndajf. Shumë, plot. Qenkan çerdhe. - A e di sa erdhën?- Çerdhe.
✱Sin.: fole, banesë, llogore.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë