Fjalori

Rezultate në përkufizime për “zymbyl”

Mëso si ta përdorësh
<<< Kthehu te kërkimi kryesor në fjalor

HIACINT

HIACINT,~I m. sh. ~E, ~ET bot. 1. (lat. Hyacinth) Gjini e vogël barishtesh shumëvjeçare, që lulëzojnë në pranverë, që çelin lule aromatike, të vendosura përgjatë kërcellit, vaji i të cilave përdoret në esencat e parfumeve; zymbyl.
2. bot. Pjesë e parë e emërtimeve të pathjeshta që tregojnë lloje të ndryshme të kësaj bime. Hiacinti Oriental (lat. Hyacinthus orientalis) bimë barishtore, me bulb, e njohur për aromën e saj të fuqishme, për lulet e bukura, të dendura, me ngjyrë të bardhë, me ngjyrë kremi, rozë ose të kuqe, me gjethe të gjelbra, të gjata e mishtore. Hiacinti malor (lat. Hyacinthus litwinowii) bimë barishtore, me bulb, e ngjashme me hiacintin oriental, me gjethe të gjata, të ngushta, me lule të vogla tubulare, me lule më të vogla se hiacinti oriental, zakonisht më pak aromatike, me ngjyrë të çelët, zakonisht të bardha, rozë të lehtë ose blu të lehtë.

ZYMBYL

ZYMBÝL,~I m. sh. ~A, ~AT bot. (lat. Hyacinthus orientalis; Bellevalia) Bimë barishtore zbukuruese, me zhardhok të vogël, me gjethe të zgjatura si heshtë, me lule të vogla si hinkë e zakonisht të grumbulluara në tufë, në ngjyrë të kaltër, të bardhë, trëndafili etj. dhe me erë të mirë, që lulëzon në fillim të pranverës. Zymbyl i kaltër (i bardhë). Erë zymbylash. Kanë çelur zymbylat. Si zymbyli në saksi (fig.) i bukur e i dëshirueshëm. Atje poshtë në ca vidha, / Po këndojnë shtatë bilbila, / Në një bahçe me zymbyla. (folk.). Na mbiu trandafil mbë derë, / Se zymbyl, se karafil. (folk.).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë