Fjalori

Rezultate në përkufizime për “zvetënim”

Mëso si ta përdorësh
<<< Kthehu te kërkimi kryesor në fjalor

APOSTAZI

APOSTAZÍ,~A f., libr. 1. Braktisje e fesë, e kombit, e ideologjisë.
2. Akti i të ndaluarit zyrtarisht të një besimi ose të një feje përmes një procedure të caktuar ligjore ose institucionale.
3. Vendim për të larguar ose për të shpallur një person të përjashtuar nga një parti, nga një ideologji etj.
✱Sin.: zvetënim, mohim, tradhti, plëngprishje, përdhosje, dezertim, bastardim.

BASTARDIM

BASTARDÍM,~I m. Veprimi kur bastardoj dikë a diçka ose kur bastardohem; humbje e vetive të mira; çoroditje, degjenerim, zvetënim. Bastardimi i shijeve. Bastardimi i muzikës. Bastardim i qëllimshëm. Bastardim i demokracisë. Proces bastardimi. Bastardim i vlerave. Bastardim i gjuhës amtare.
✱Sin.: çoroditje, zvetënim, shthurje, përdhosje, përçudnim, degjenerim.

BUSHTËRIM

BUSHTËRÍM,~I m. 1. Veprimi kur bushtëroj dikë a kur bushtërohem; egërsim, tërbim; dëshpërim.
2. Bastardim, zvetënim.

DEGJENERIM

DEGJENERÍM,~I m. sh. ~E, ~ET 1. Veprimi kur shkatërroj a humb cilësitë pozitive që dikush ose diçka ka pasur më parë; prishje, zvetënim. Pasojat e degjenerimit.
2. Gjendja kur degjenerohet diçka. Degjenerimi i farës. Degjenerimi i letërsisë (i artit).
3. Largim a shmangie nga rruga e drejtë, humbja e virtyteve dhe cilësive më të mira morale, politike etj., prishje. Degjenerimi i njerëzve. Degjenerim moral.
4. Ndryshim i karakterit, i qëllimit a i pikësynimit të mirë dhe sjellja e të kundërtës së asaj që pritej, prishje, humbje. Degjenerimi i udhëzimeve. Degjenerimi i zgjidhjes së problemit.
✱Sin.: prishje, zvetënim, përdhosje, shthurje, bastardim, humbje

MBËRRUTJE

MBËRRÚTJ/E,~A f. 1. Venitje, fishkje.
2. Prishje morale, zvetënim.

PRISHJE

PRÍSHJ/E,~A f. sh. ~E, ~ET 1. Veprimi kur prish ose kur prishet diçka.
2. Gjendja pasi prish a pasi prishem. Prishja e urës. Prishja e dhëmbëve. Prishja e mishit. Prishja e kontratës. Prishja e rregullit.
3. Vend i prishur a i shkatërruar. Prishje tektonike (gjeol.). Prishjet në çati.
4. bised. Shpenzim. Prishjet dhe të ardhurat.
✱Sin.: përprishje, shembje, shkatërrim, çartje, dëmtim, dëm, shpërbërje, shthurje, çrregullim, shprishje, fshirje, shuarje, keqësim, dobësim, shëmtim, rrënim, zvetënim, përdhosje, bastardim, degjenerim, ngërdheshje, shtrembërim, kalbje, thartim, tharmëtim, tharmim, dekompozim, zjarrtisje, qelbje, ndotje, vrenjtje, shpenzim, dështim, shkrehje, rrëzim, krusmë, thepisje, hallakatje, shkallmim, shkapërderdhje, zbërthim, porropi, zarar, çakordim, djallosje, katranosje, ngatërrim, shkarëzim, çorganizim, rënie, pështjellim, rravgim, çjerrje, shkelje, tretje, shformim, prerje, mykje, zhezhitje, djegie, ndyrje, fëlliqje, ndërprerje, ftohje, acarim, egërsim, harxhim.

PROZVALJE

PROZVÁLJ/E,~A f. sh. ~E, ~ET 1. Veprimi kur prozval ose kur prozvalem.
2. Zhvlerësim.
3. Zvetënim.
4. Turpërim.

PËRDHOSJE

PËRDHÓSJ/E,~A f. sh. ~E, ~ET 1. Veprimi kur përdhos dikë apo diçka ose kur përdhosem. Përdhosja e gjërave të shtrenjta (të dashura).
2. Gjendja pasi përdhos dikë apo diçka a përdhosem.
✱Sin.: ndotje, përlyerje, fëlliqje, njollosje, ndyrje, zvetënim, prishje, përçudnim, shthurje, çoroditje, poshtërim, dhunim, bastardim.

PËRÇUDNIM

PËRÇUDNÍM,~I m. sh. ~E, ~ET 1. Veprimi kur përçudnoj ose kur përçudnohem. Përçudnim i fytyrës.
2. Diçka që është e shëmtuar, gjë shumë e shëmtuar. Përçudnimet e njeriut në art. Përçudnimi i përmbajtjes dhe i formës.
✱Sin.: shfytyrim, shpërfytyrim, shëmtim, shëmti, shëmtirë, shformim, zvetënim, prishje, shthurje, përdhosje.

SHEMBIM

SHEMBÍM,~I m. sh. E, ~ET Prishje e linjave estetike ose e shprehjes së fytyrës të shkaktuar nga diçka, shëmtim; përçudnim. Shembim i bukurisë. Shembim i gjuhës. Kishte mbërritur në shembimin e plotë të fytyrës.
✱Sin.: shëmtim, shëmtirë, shpërfytyrim, zvetënim.

SKAMUR

SKÁMUR,~I (i) m. sh. ~, ~IT (të) Zvetënim, të varfëruar. Të skamurit e shpirtit.

TEOKRATIZËM

TEOKRATÍZËM,~I m., pol. 1. Vullnet politik për t’ia nënshtruar fisnikërinë klerit dhe mbretërit papës. Teknokratizëm perandorak.
2. Çoroditje, shthurje, zvetënim i teokracisë.

TEPTISJE

TEPTÍSJ/E,~A f. sh. ~E, ~ET bised. 1. Shpërthim, vërshim, dalje, vrujim. Teptisje ujërash. Teptisje gjaku. Teptisje ndjenjash. Teptisje inati.
2. Shfaqje befas, ardhje e papritur. Teptisje njerëzish. Teptisje lotësh.
3. Çoroditje, çakërdisje, mospërmbajtje, përçudnim, përdhosje, prishje (morale), shthurje, zvetënim. Teptisja e djalit. Teptisja e çupës (e vajzës).
4. Zmbrapsje arme. Teptisja e pushkës.
5. Ënjtje, buhavitje, malcim, pezmatim (plage, gjëndrash, gjiri). Teptisje plage. Teptisje gjiri.
✱Sin.: shpërthim, vërshim, dalje, vrujim, shfaqje, ardhje, çoroditje, çakërdisje, përçudnim, përdhosje, prishje, shthurje, zvetënim, zbythje, zmbrapsje, ënjtje, buhavitje, malcim, pezmatim.

VUAJERIZËM

VUAJERÍZ/ËM,~MI m. Zvetënim seksual. Vuan nga vuajerizmi.

ZVETOSJE

ZVETÓSJ/E,~A f. sh. ~E, ~ET Zvetënim.

ZVETËNIM

ZVETËNÍM,~I m. sh. ~E, ~ET Humbja a prishja e cilësive e vetive të mira të dikujt a të diçkaje, prishje, çoroditje, përdhosje. Zvetënimi i njerëzimit. Zvetënimi i trupit. Zvetënim moral (shpirtëror). Zvetënimi i gjuhës. Është ky një zvetënim i lig, i qëllimshëm, për të ulur vlerat e krijimtarisë. Zvetënimi i njeriut.
✱Sin.: prishje, përçudnim, çoroditje, shthurje, bastardim, përdhosje.

ÇORODITJE

ÇORODÍTJ/E,~A f. sh. ~E, ~ET 1. Veprimi kur çorodit dikë ose kur çoroditem. Çoroditje e madhe (e përgjithshme). Çoroditja e gjuhës.
2. Gjendja kur çorodit dikë ose kur çoroditem. Çoroditje morale. Sjell çoroditje.
✱Sin.: çorodi, trullosje, hutim, pështjellim, prishje, zvetënim, shthurje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë