Fjalori

Rezultate në përkufizime për “zverdhemë”

Mëso si ta përdorësh
<<< Kthehu te kërkimi kryesor në fjalor

BARDHAÇ

BARDHÁÇ,~E mb. 1. Që është i bardhemë në fytyrë; i zbehtë, çehrevrarë. U bë bardhaç në fytyrë.
2. si em. m. e f. Sipas kuptimit të mbiemrit.
✱Sin.: i bardhemë, i zbehur, i zverdhemë, i zbërdhulët, zbehtak, zverdhak, verdhacak, fytyrëzbehtë, fytyrëverdhë, çehreverdhë, çehrevrarë.

SARITUAR

SARITÚAR (i, e) mb., bised. I verdhë, i zbehtë. Djali ishte i sarituar. Po bëhem merak për të se është shumë e sarituar
✱Sin.: zbehtak, i bardhëllemë, i bardhemë, bardhaç, bardhuk, i bardhë, zverdhak, verdhuk, verdhacak, verdhacuk, i zverdhur, i zverdhemë, fytyrëverdhë, fytyrëzbehtë, faqezbehtë, çehreverdhë.

SARKAVERDHË

SARKAVÉRDHË mb. Çehreverdhë. Vajzë sarkaverdhë. Fëmijët kishin një pamje sarkaverdhë.
✱Sin.: fytyrëverdhë, i zbehtë, i zbehur, zbehtak, i bardhëllemë, i bardhemë, bardhaç, bardhuk, i bardhë, zverdhak, verdhuk, verdhacak, verdhacuk, i zverdhur, i verdhemë, i zverdhemë, fytyrëzbehtë, faqezbehtë, çehreverdhë.

ZBEHTË

ZBÉHTË (i, e) mb. 1. Që ka ngjyrë si të bardheme, që i ka ikur a i është dobësuar ngjyra e kuqe e fytyrës; që vjen si i verdhë në fytyrë, që ka marrë një ngjyrë të vrarë, i zbehur, zbehtak, fytyrëverdhë. Fëmijë të zbehtë. Me fytyrë të zbehtë. Me faqe (me buzë) të zbehta. Duket pak i zbehtë. Drita i binte mbi ballin e zbehtë. Ishte më i zbehtë se zakonisht.
2. Që ka ngjyrë të dobët a si të zbardhur, që vjen si i bardhemë a si i verdhemë, i zbërdhulët. Ngjyrë e zbehtë. E kuqe (e verdhë, e kaltër) e zbehtë. Pëlhura (basma) të zbehta.
3. Që ka pak dritë, që nuk ka shumë ndriçim, që ka shkëlqim të dobët; që s'dallohet qartë; i mekur, vagëllues. Dritë e zbehtë. Hënë e zbehtë. Diell i zbehtë. Qiell i zbehtë. Fotografi e zbehtë. Dritëhijet e zbehta të neonit. Kandilët e zbehtë të vajgurit.
4. fig. I paqartë, i dobët dhe pa forcë shprehëse; që nuk ka gjallëri e shkathtësi; që nuk është i plotë e i përpiktë, i paktë, i kufizuar, i pakësuar, i zvogëluar. Vepër e zbehtë. Kritikë e zbehtë. Roman (tregim) i zbehtë. Kronikë e zbehtë për të vërtetat e luftës. Lojë e zbehtë. Kopje e zbehtë e diçkaje. Jetë e zbehtë. Mendime të zbehtë. Në mënyrë të zbehtë. Akuzat janë tepër të zbehta dhe të pamjaftueshme (drejt.).
✱Sin.: i zbehur, zbehtak, i bardhëllemë, i bardhemë, bardhaç, bardhosh, bardhuk, zverdhak, verdhuk, verdhacak, verdhacuk, i zverdhemë, i pagjak, fytyrëzbehtë.

ZVERDHEMTË

ZVERDHÉMTË (i, e) mb. I zverdhemë.

ZVERDHEMË

ZVERDHÉM/Ë (i), ~E (e) mb. 1. Që vjen si i verdhë; që është zverdhur. Ngjyrë e zverdheme. Fotografi (letër) e zverdheme. Perde të zverdheme.
2. Që vjen si i verdhë në fytyrë, i zbehtë. I zverdhemë në fytyrë, dukej se po rrëzohej.

ZVERDHËT

ZVÉRDHËT (i, e) mb. I zverdhemë. Shami xhepi me pikla të zverdhëta. Ngjante si ndonjë liqen i pafund e i zverdhët.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë