Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
BRANÍTJ/E,~A f. 1. Branim.
2. fig. Zvarritje; ngadalësimi i një pune a i një veprimi.
BUROKRATÍK,~E mb. 1. Që lidhet me burokracinë a me burokratizmin, që vuan nga burokratizmi. Shtet (aparat) burokratik. Makina burokratike. Procedura burokratike.
2. Që lidhet me burokratët, që është veti e tyre. Qëndrim burokratik. Zvarritje (metoda) burokratike. Viktimë e absurditetit burokratik.
PËRTÓKAZI ndajf. Përtokas. Fatkeqësisht, por ecim përtokazi, me zvarritje, me përulje, me buzëqeshje të shtira, me rrahje supesh përkëdhelëse.
QËNDRÉS/Ë,~AII f. sh. ~A, ~AT fiz., tek. 1. Veti e një trupi për të përballuar një forcë a një veprim që ushtrohet mbi të pa iu prishur forma ose ndërtimi i brendshëm; qëndrueshmëri. Qëndresë mekanike. Qëndresa e një metali. Mat qëndresën.
2. biol. Veti e një organizmi për të përballuar lodhjen. Qëndresa e organizmit. Fiton qëndresë.
3. Pjesë e parë e emërtimeve të pathjeshta për lloje të ndryshme rezistence. Qëndresë në përdredhje rezistencë ndaj përdredhjes. Qëndresë në prerje rezistencë ndaj prerjes. Qëndresë e materialeve rezistencë ndaj materialeve. Qëndresë aerodinamike zvarritje aerodinamike, rezistenca ndaj erës. Qëndresë dinamike fortësi dinamike. Qëndresë e fërkimit rezistencë ndaj fërkimit. Qëndresë hidraulike rezistencë hidraulike. Qëndresë hidrodinamike rezistencë hidrodinamike. Qëndresë ndaj abrazionit rezistencë ndaj gërryerjes. Qëndresë ndaj goditjes fortësi e goditjes. Qëndresë ndaj konsumimit rezistencë ndaj konsumit. Qëndresë ndaj lëvizjes rezistencë tërheqëse. Qëndresë ndaj ngjeshjes rezistenca në shtypje. Qëndresë ndaj përkuljes forca e përkuljes, rezistencë ndaj përkuljes. Qëndresë ndaj rrëshqitjes rezistencë rrëshqitëse. Qëndresë termike rezistencë termike (nxehtësie).
✱Sin.: fortësi, durueshmëri, stabilitet, rezistencë, forcë.
THÉRËS,~E mb. 1. Që të dhemb shumë, që të sëmbon, që të çan; që të ther. Dhembje therëse.
2. Që të pret, që të than; që të ther (për erën, për të ftohtët etj.).
3. Që të rrëqeth; i fortë dhe i mprehtë, i thekshëm (për zërin etj.). Me zë (me ton) therës. Klithmë (britmë, thirrje) therëse.
4. fig. Që të thumbon me forcë; që të prek a që të lëndon thellë; që të godet me forcë, fshikullues. Fjalë (kritikë) therëse. Ironi (sarkazëm, tallje) therëse. E vërteta therëse.
5. fig. Shumë i rëndësishëm, shumë i mprehtë; shumë i ngutshëm, që s'duron asnjë zvarritje. Problem therës. Çështje therëse.
6. fig. Që futet a që depërton thellë, që të shpon; i fortë e i mprehtë. Shikim therës. E vështroi me sy therës.
✱Sin.: prerës, rrëqethës, i fortë, i mprehtë, i thekshëm, fshikullues, depërtues.
VARGÍM,~I m. sh. ~E, ~ET 1. Veprimi kur vargoj njerëz, kuaj, makina etj. apo vargohem. Vargim i njerëzve. Vargimi i bagëtive. Vargimi i makinave. Vargim i përmortshëm.
2. Bërja varg e diçkaje duke e shkuar në pe. Vargimi i fiqve (qepëve, hudhrave). Vargimi i rruazave. Vargimi i gjetheve të duhanit.
3. Bërja a kryerja me vonesë e diçkaje, moskryerja në kohën e duhur. Vargimi i punëve. Vargimi i projektit.
4. Bërja e vjershave, poezive a kthimi i prozës në vargje. Vargimi i vargjeve (poezisë). Vargimi i prozës.
5. fig. Bërja varg duke i lidhur njërin me tjetrin a duke i nxjerrë njërin pas tjetrit (fjalë, mendime, ngjarje). Vargimi i fjalëve (mendimeve, ngjarjeve).
✱Sin.: renditje, rreshtim, varg, vargëzim, vargëtim, zvarritje.
VARRAKÁTJ/E,~A f. sh. ~E, ~ET bised. Veprimi kur varrakat a varrakatem. Varrakatja e punës. Varrakatja e projektit. Varrakatja e dasmës.
✱Sin.: zvarritje, vonim, zhargim, zhargitje, tororisje, zvargim.
VLLAÇÍTJ/E,~A f. sh. ~E, ~ET 1. Veprimi kur vllaçitim me vllaçë arën e lëruar, kur i vëmë vllaçën. Vllaçitja e arës (tokës së lëruar). Vllaçitja e parë. I bëj vllaçitjen arës. I bëri dy vllaçitje.
2. fig. Veprimi kur shkojmë duke u zhargur; kur i lëmë punët zvarrë a i bëjmë shkel e shko. Vllaçitja e punës. Vllaçitja e këmbëve.
✱Sin.: trinim, lesim, sheshim, shqezim, branim, zvarritje, zgjatje, zhargitje, rrëshqitje.
ZGJÁTJ/E,~A f. sh. ~E, ~ET 1. Veprimi kur zgjat diçka, zgjatim; kund. shkurtim. Zgjatja e litarit (e telit etj.). Zgjatja e rrugës (e hekurudhës). Zgjatja e flokëve.
2. Shtrirje, nderje a hapje e diçkaje në një drejtim të caktuar. Zgjatja e kokës (e dorës, e krahut etj.). Zgjatja e filxhanit (e kutisë së duhanit etj.).
3. Koha sa zgjat diçka; koha gjatë së cilës vijon të bëhet diçka; vijimi i diçkaje; kund. shkurtim. Zgjatja e ditës diellore. Zgjatja e kohës së ushtrimeve. Zgjatja e ditës së punës. Zgjatja e orarit. Zgjatja e ligjëratës.
4. Shtyrje, zvarritje apo vonesë në realizimin e diçkaje; kund. shkurtim. Kjo zgjatje në kohë e ka arsyen e vet. Zgjatja e afatit për ndryshimin e vendbanimit.
✱Sin.: zgjatim, gjatim, ngjatim, vijim, rritje, lëshim, shtrirje, hapje, zvarritje, vonim, mbajtje.
ZHAGÍTJ/E,~A f. sh. ~E, ~ET 1. Tërheqja rrëshqanë e diçkaje; zvarritje. Zhagitja e lëndës drusore.
2. fig. Mbajtja pas vetes e dikujt. Zhagitja e fëmijës.
3. fig. Zvarritja e një pune a diçkaje tjetër. Zhagitja e punëve. Zhagitja e bisedës (dollisë etj.).
✱Sin.: zvarritje, copëtim, rraskapitje, këputje, mundim, sfilitje, zhagmitje, zhagmim.
ZHARGI/E,~A f. sh. ~E, ~ ET krahin. Zvarritje. Zhargiet e materialeve. Zhargia e plakut.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë