Fjalori

Rezultate në përkufizime për “zvarrës”

Mëso si ta përdorësh
<<< Kthehu te kërkimi kryesor në fjalor

GRABUJË

GRABÚJ/Ë,~A f. sh. ~A, ~AT Vegël bujqësore me dhëmbë metalikë të kthyer dhe me një bisht të gjatë prej druri, që shërben për të mbledhur barin, kashtën etj.; krehër, dhëmbës. Mbledh me grabujë (barin, kashtën, gjethet).
✱Sin.: krehër, dhëmbës, dhëmbore, zvarrës, grabullor, gribë, rashqel.

SKREPER

SKRÉPER,~I m. sh. ~Ë, ~ËT Automjet i rëndë për gërmim dhe sheshim në kantiere rrugore, hekurudhore. Skreper i fuqishëm. Kova e skreperit. Punon me skreper. Skreper zvarrës.

ZVARRITËS

ZVARRÍTËS,~E mb. 1. zool. Që lëviz duke u zvarritur (për kafshët). Gjallesë zvarritëse. Kafshë zvarritëse. Përbindësh zvarritës. Me lëvizje zvarritëse. Qeniet zvarritëse përdorin muskujt e trupit për të ecur.
2. bot. Që shtrihet përdhe a ngjitet pas diçkaje (për bimët). Bimë (barishte) zvarritëse. Kërcell zvarritës i degëzuar. Lastarë zvarritës. Rizoma zvarritëse. Tërfil zvarritës. Fokat zvarritëse.
3. fig. Që është i ngadalshëm dhe i njëtrajtshëm (për zërin etj.). Zë zvarritës. Fjalim zvarritës. Me një theks zvarritës.
4. fig. Që bëhet pengesë për përfundimin me kohë të një pune, që sjell zvarritjen e diçkaje. Qëndrim zvarritës. Praktika zvarritëse. Veprime (procedura) zvarritëse. Burokraci zvarritëse. Manovra zvarritëse. Hapa zvarritëse. Ndjesia zvarritëse e frikës.
5. si em. m. e f. Sipas kuptimeve të mbiemrit. Kur zgjata dorën, nëpër këmbë më kaloi një zvarritës.
✱Sin.: zvarranik, rrëshqanës, rrëshqanor, zvarrës.

ZVARRËS

ZVÁRRËS,~E mb. Që hiqet zvarrë; që përdoret duke e hequr zvarrë. Krehër (grabujë, dhëmbës) zvarrës. Skreper zvarrës.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë