Fjalori

Rezultate në përkufizime për “zvargur”

Mëso si ta përdorësh
<<< Kthehu te kërkimi kryesor në fjalor

BISHTAS

BÍSHTAS ndajf. 1. Ulur me gjunjë të përkulur e duke u mbështetur mbi thembrat e këmbëve, në bisht, galiç. Ulem (rri) bishtas.
2. Duke u zvarritur me të ndenjurat për tokë. Fëmija ecën bishtas. U afrua bishtas.
✱Sin.: galuc, galiç, kalagjunjazi, kacuk, pupas, pupçik, cucërrak, rrëshqanë, bythas, përtokas, zvarrë, zvarras, tokas, osh, zharg, zvargur.

LËSHUAR

LËSHÚAR (i, e) mb. 1. Që varet poshtë lirisht. Me perde të lëshuara. Me mëngë të lëshuara. Me krahë të lëshuar. Me flokë të lëshuar.
2. bised. vjet. Që e kishte ndarë burri e ishte kthyer te prindërit. Grua e lëshuar.
3. Që ka rënë nga shëndeti dhe është dobësuar shumë. Plak i lëshuar.
4. fig. Që nuk u ka qëndruar dot vështirësive a fatkeqësive, që ka humbur guximin e vendosmërinë, që s'ka më zemër për të vepruar; që ka rënë shpirtërisht. Ishte shumë i lëshuar.
5. fig. I shthurur nga ana morale ose i dhënë shumë pas pijeve, qejfeve, kumarit etj., i papërmbajtur; i papërmbajtur në të folur, gojështhurur. Njeri i lëshuar. Bënte një jetë të lëshuar. Ka gojë të lëshuar.
6. I zvargur (për zërin). Zë i lëshuar.
✱Sin.: i rënë, i flashkët, i ulur, i derdhur, i rraskapitur, i liruar, i lirshëm, i çlirët, i lirë, i shkrehur, i shtendosur, i ndarë, i lënë, i dobësuar, i rënë, i shkundur, i hequr, i fishkur, i tretur, i bizgosur, i shkurajuar, i zgajtur, i ligështuar, i zbërthyer, shpatullarënë, shpatullarrëzuar, i trembur, i frikësuar, i shthurur, i papërmbajtur, gojështhurur, i zvargur, i dorëzuar.
♦ Me *dorë të lëshuar E ka gojën (gjuhën) të lëshuar (dikush) është llafazan i madh, llap shumë, flet me vend e pa vend; shan e përflet gjithkënd; është gojështhurur; e ka (e zgjat) gjuhën lëpjetë; nuk i vë fre gojës. Qen i lëshuar nga *zinxhiri.

ZGJATUR

ZGJÁTUR (i, e) mb. 1. Që vjen si i gjatë, gjatosh; që është rritur në gjatësi. Gjethe (kokrra) të zgjatura. Truri i zgjatur (anat.). Trup i hollë dhe i zgjatur. Me ballin e zgjatur jashtë normales. Bakter i zgjatur si shkopth. Turiri i zgjatur i derrit. Një instrument i zgjatur në formë J-je. Larva është e zgjatur.
2. I shtrirë në një drejtim. Me duar të zgjatura përpara. Krah i zgjatur mbi kokën e tij. Qytet i zgjatur deri në gjysmën e fushës. Avokati i Popullit është krahu i zgjatur i Kuvendit mbi administratën publike.
3. Që vijon a që bëhet për një kohë më të gjatë se zakonisht, që është zgjatur. Me orar të zgjatur. Veprim (proces) i zgjatur. Gjykim i zgjatur në kohë. Ngërç (rënkim) i zgjatur. Konflikt (bojkot) i zgjatur. Tingëllim i zgjatur i zërave. Gjëmim i zgjatur dhe i mbytur. Zëri i doli i dridhur dhe i zgjatur. Orari i zgjatur i punës. Borxhi i zgjatur, faqja e skuqur. (fj. u.).
✱Sin.: gjatosh, gjatush, gjator, gjatok, i gjatë, i shtrirë, i zvargur, i zvarritur.

ZVARGUR

ZVÁRGUR (i, e) mb. 1. Që vijon më shumë se zakonisht, që zgjatet e zvarritet. Vajtim i zvargur. Këngë (muzikë) e zvargur. Jehonë e zvargur. Punë të zvargura. Mërmëroi me zë të zvargur. Me atë britmën e zvargur e të pikëllueshme “Dru me pre”. Tingujt e kambanës vinin vërdallë të ngadaltë e të zvargur.
2. Që shtrihet në një gjatësi të madhe, që zgjatet; që varet. Re të zvargura. Mjegull e zvargur. Me rroba të zvargura. Një rit i zvargur pafundësisht. Fryn prapë era me zë të zvargur e të hidhur. Kisha dëgjuar netëve rrëfime të tilla të zvargura. Ai i përfytyroi tek ecnin drejt tij me hapa të zvargur, si në ëndrrat e këqija.
✱Sin.: i shtrirë, i zvargur, i zvarritur, i varur, i lëshuar.

ZVARGUR

ZVÁRGUR ndajf., fig. Pa dëshirën dhe pa kujdesin e duhur, duke e zvarritur diçka (për një punë etj.). I la punët zvargur. Jehonte zvargur largësia.

ZVARGËT

ZVÁRGËT (i, e) mb. I zvargur, monoton. Zë i zvargët.

ZVARRITUR

ZVARRÍTUR (i, e) mb. 1. I hequr zvarrë, i munduar, i sfilitur. Trupa të zvarritur.
2. edhe fig. Që bëhet a që zhvillohet pa gjallëri, ngadalë e si me zor, i zvargur, i tejzgjatur. Punë e zvarritur. Çështje e zvarritur. Problem (debat, konflikt) i zvarritur. Ligj mjaft i zvarritur në kohë. Këto ëndërrime ia preu një zë i zvarritur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë