Fjalori

Rezultate në përkufizime për “zjarrfikës”

Mëso si ta përdorësh
<<< Kthehu te kërkimi kryesor në fjalor

MARKUÇ

MARKÚÇ,~I m. sh. ~Ë, ~ËT Gyp i gjatë prej gome, që përdoret për të derdhur a për të tërhequr lëngje; zorrë, tub. U la në dorë fëmijëve një markuç. Ca zjarrfikës po prisnin me markuç. Uji doli me forcë nga markuçët. Ujit bimët me markuç. I vuri fuçisë markuçin. Thith markuçin. Markuçi i karburantit.

TULLUMBAXHI

TULLUMBAXHÍ,~U m. sh. ~NJ, ~NJTË vjet. Zjarrfikës.

ZJARRFIKËS

ZJARRFÍKËS,~E mb. Që ka për detyrë të shuajë zjarrin në ndërtesa të ndryshme, në ndërmarrje etj.; që ndihmon a që shërben për të shuar zjarrin në ndërtesa të ndryshme, në ndërmarrje etj. Repart (stacion) zjarrfikës. Shërbimi zjarrfikës. Skuadër zjarrfikëse. Barkë zjarrfikëse. Mjete zjarrfikëse. Makinë (pompë) zjarrfikëse. Grupi vullnetar zjarrfikës. Inspektor zjarrfikës. Eksperti zjarrfikës.

ZJARRFIKËS

ZJARRFÍKËS,~I m. sh. ~, ~IT 1. Pjesëtar i një shërbimi të posaçëm, i cili ka për detyrë të shuajë zjarret që bien në ndërtesa të ndryshme; ai që është ngarkuar të mbrojë nga zjarri ndërtesat e ndryshme. Reparti i zjarrëfikësve. Brigada e zjarrfikësve. Zjarrfikës vullnetar. Makina e zjarrfikësve. Shkallët e zjarrfikësve. Me ndihmën e zjarrfikësve. Thirri (lajmëroi) zjarrfikësit. Bënë uniforma të reja për zjarrëfikësit. Ka kryer shkollën për zjarrfikës.
2. Zjarrfikëse2.
3. fig. edhe keq. Ai që mundohet të shuajë një grindje a një konflikt; ai që përpiqet të pengojë zhvillimin e vrullshëm të një ngjarjeje etj. Zjarrfikës të sherrit (të grindjes, të konfliktit). Kur filloi zënka mes vëllezërve, gjyshja hyri si një zjarrfikëse me fjalët e saj të buta, duke shuar zemërimin. Shoqëria jonë ka nevojë për institucione të forta, jo vetëm për zjarrfikës që shfaqen pas çdo krize për të qetësuar popullin.

ZJARRSHUES

ZJARRSHÚES,~E mb. Zjarrfikës.

ZJARRSHUES

ZJARRSHÚES,~I m. sh. ~, ~IT Zjarrfikës.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë