Fjalori

Rezultate në përkufizime për “zhytas”

Mëso si ta përdorësh
<<< Kthehu te kërkimi kryesor në fjalor

ZHYT

ZHYT ndajf. 1. Zhytas. Bie zhyt. E kaloi lumin zhyt. U krodh zhyt. Bëj not zhyt.
2. fig. Pa u kthjelluar, pa u sqaruar a pa u zgjidhur; mbytur; pa u marrë vesh mirë. Mbeti puna zhyt. E la zhyt. Zhyt e mbyt me të keq, me shumë mundime, me shumë telashe e halle mbi kokë, keq e keq.
♦ Zhyt e mbyt. 1. Me të keq, me shumë mundime; me shumë telashe e halle mbi kokë; keq e keq. 2. Mbyturazi, në tym, si në mjegull, në errësirë, jo qartë.

ZHYTAS

ZHÝTAS ndajf. Duke u zhytur i tëri në ujë, duke u futur i tëri brenda, zhyt. Not zhytas. U hodh (ra) zhytas në ujë. Lumin e kaloi zhytas.
✱Sin.: zhyt, zhytthi, humbas, mbyturazi, zhytazi.

ZHYTAZI

ZHÝTAZI ndajf. Zhytas. U hodh (ra) zhytazi në ujë. Ra zhytazi në det.

ZHYTJE

ZHÝTJ/E,~A f. sh. ~E, ~ET 1. Veprimi kur fut dikë a diçka në ujë ose në një lëng tjetër aq sa të mbulohet i tëri; kredhja në det, në liqen etj.; futja në baltë etj., sa të mos duket. Zhytje e menjëhershme. Zhytje e thellë. Zhytja në ujë. Vija e zhytjes (e anijes). U bënë shumë zhytje. Ndodhet (është) në zhytje.
2. Mënyrë notimi që bëhet zhytas. Zhytje sportive. Mësoi zhytjen. E hodhi vaun me zhytje dhe, kur doli matanë, u fsheh nëpër shkurre. (folk.).
3. fig. Veprimi kur zhyt dikë në një gjendje të vështirë, nga ku nuk mund të dalë dot lehtë; kur bëj që të bjerë në një gjendje të caktuar, të pushtohet nga një ndjenjë, nga mendimet, nga dëshirat, nga ëndërrimet etj. Zhytja në borxhe. Zhytja në mjerim. Zhytja në mendime.
✱Sin.: kredhje, futje, fundosje, rrasje, hyrje.

ZHYTTHI

ZHÝTTHI ndajf. Zhytas. Doli zhytthi.

ZHYTËS

ZHÝTËS,~I m. sh. ~, ~IT 1. Ai që zhytet në thellësi të detit, të liqenit etj. për punë të caktuara, kredhës; palombar. Zhytës i stërvitur. Mjeshtëria e zhytësve. U bë zhytës.
2. sport. Ai që noton mirë zhytas. Është zhytës i fortë.
3. sport. Ai që kërcen pranë rrjetës dhe e zhyt topin në fushën kundërshtare (në lojën e volejbollit). Është zhytës i mirë.
✱Sin.: zhytar, kredhës, palombar.

ZHYTËSE

ZHÝTËS/E,~JA f. sh. ~E, ~ET 1. Ajo që zhytet në thellësi të detit, të liqenit etj. për punë të caktuara. Është zhytëse shumë e mirë.
2. sport. Ajo që noton mirë zhytas. Është zhytëse profesioniste.
3. sport. Ajo që kërcen pranë rrjetës dhe e zhyt topin në fushën kundërshtare (në lojën e volejbollit). Është zhytëse e zonja.
✱Sin.: zhytare, kredhëse, palombare.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë