Fjalori

Rezultate në përkufizime për “zhuzhurit”

Mëso si ta përdorësh
<<< Kthehu te kërkimi kryesor në fjalor

BRUMBULLIN

BRUMBULLÍ/N vep., ~TI, ~TUR jokal., vet. v. III Bën zhurmë duke fluturuar (për brumbullin dhe kandrra të tjera të ngjashme me të); bën një zhurmë të vijueshme si brumbulli (uji etj.), zhuzhit. Brumbullin uji i kroit. - Brumbullijnë malet, / O babai im! / - Vijnë të të marrin, / O moj bija ime! (folk.).
✱Sin.: zhuzhet, zhuzhit, zhuzhurit, gumëzhin.

GUMËZHIN

GUMËZHÍ/N vep., ~U, ~RË jokal., vet. v. III 1. Nxjerr një zhurmë të vazhdueshme kur fluturon (për bletën, për arëzën etj.), nxjerr gumëzhimë. Gumëzhijnë bletët (grerëzat).
2. Nxjerr a lëshon një zhurmë të ngjashme me atë që bëjnë bletët, arëzat kur fluturojnë; buçet, uturin. Gumëzhin motori. Gumëzhijnë aeroplanët. Gumëzhijnë telat e telefonit. Gumëzhin era (deti). Gumëzhin shkolla (salla, klasa). Gumëzhijnë rrugët. Gumëzhin sheshi (oborri i shkollës). Më gumëzhijnë veshët.
3. fig. Ka gjallëri të madhe nga një veprimtari e dendur, është ngritur peshë, është vënë në lëvizje për një çështje etj. Gumëzhinte tërë Shqipëria.
4. fig. Është mbushur nga fjalët e botës (kur në një qytet etj. flitet nga të gjithë për dikë a për diçka). Gumëzhinte gjithë qyteti nga fjalët.
✱Sin.: gumëzhit, buburit, buit, roit, vrumbullit, zien, bulbëron, buçet, uturin, gërgërit, gërhit, zëzëllon, zukat, zhurmëron, zhurmon, zhuzhet, zhuzhurit, gëlon.

ZHUZHET

ZHUZH/ÉT vep.,~ÍTI, ~ÍTUR jokal., kryes. v. III 1. Bën një zhurmë të zgjatur sikur zien; zhuzhurit, brumbullin, gumëzhin. Zhuzhitnin mushkonjat (mizat, bletët, brumbujt, gjinkallat). Një kandërr e madhe kishte bërë një hark duke zhuzhuritur dhe kishte qëndruar në degë.
2. fig. Nxjerr një tingëllim të mprehtë e të thatë që përsëritet disa herë; bën një zhurmë të thatë sikur thyhet një xham, bën krismë; bëj që diçka të nxjerrë tingëllim të tillë; kërcet. Zhuzhet zjarri.
3. fig. Nxjerr a lëshon një zhurmë të ngjashme me atë që bëjnë bletët, arëzat kur fluturojnë; buçet, uturin; gumëzhin. Zhuzhet vendi (dhoma, sheshi). Zhuzhet turma. Në kokë i zhuzhitnin lloj-lloj mendimesh.
✱Sin.: zhuzhurit, brumbullin, gumëzhin, kërcet, buçet, uturin, gumëzhin.

ZHUZHURIT

ZHUZHURÍT vep., ~A, ~UR jokal., vet. v. III Bën një zhurmë të zgjatur (për kandrrat, për ujin kur zien etj.), zhuzhet. Vër veshin si zhuzhurit kroi.
✱Sin.: zhuzhet, brumbullon, gumëzhin.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë