Fjalori

Rezultate në përkufizime për “zhol”

Mëso si ta përdorësh
<<< Kthehu te kërkimi kryesor në fjalor

LYRË

LÝR/Ë,~A f. sh. ~A, ~AT 1. Dhjami, gjalpi a vaji që përdoren si ushqim; pjesa e sipërme e gjellës që ka më shumë yndyrë; yndyrë. Lyrë bimore (shtazore). Lyra e gjellës (e mishit). Gjellë pa lyrë. I hedh lyrë gjellës. Skuq me pak lyrë. Ka shumë lyrë. Del (kullon) lyra. I merr (i heq) lyrën.
2. Yndyrë që del mbi lëkurë te njerëzit e kafshët; papastërti e lyrshme në leshin e bagëtive, në flokët e njerëzve, në rrobat etj.; lerë. Lyra e lëkurës (e flokëve, e leshit). Lëshon lyrë. I heq (i pastroj) lyrën.
3. fig., bised. Shije, kripë. Shaka pa lyrë. Njeri pa lyrë njeri i shpëlarë. Ka lyrë dikush. I doli lyra dikujt i doli kripa a lezeti, u bë i shpëlarë.
✱Sin.: dhjamë, gjalpë, yndyrë, papastërti, lerë, zhul, zhol, shije, kripë.
♦ I doli (i iku) lyra (dikujt) nuk është më i këndshëm, u bë si i shpëlarë; i doli kripa; i doli (i iku) lezeti. Fërgohet (skuqet, tiganiset) në lyrën e vet (dikush) shih fërgohet (skuqet, tiganiset) me dhjamin e vet (dikush). Ia mori lyrën (diçkaje) ia hoqi gjithçka të mirë a të këndshme që kishte, e bëri që mos të të pëlqejë më. (Shkoi) lyrë leshi (dikush a diçka) shih (shkoi) për dhjamë qeni (dikush a diçka).

ZHOL

ZHOL,~I m. sh. ~E, ~ET 1. bot., krahin. (lat. Muscus) Myshk. I hoqi zholin drurit. Uji ka zënë zhol.
2. Zhul, papastërti. Zholi i rrobave.
3. fig., krahin. Merak, vuajtje shpirtërore, pikëllim, brengë. E hëngri zholi. Nuk e bren zholi.
4. Hidhësirë, të qenët i hidhur i diçkaje. Zholi i ullinjve.
✱Sin.: myshk, zhul, merak, pikëllim, brengë.

ZHUL

ZHUL,~I m. 1. Lerë në trup a në rroba që bëhet nga të palarët, zdralë. Zhuli i këmishës (i jakës, i mëngëve, i jorganit). Duar me zhul. Zhuli i veshit (i kokës). Zhuli i leshit të bagëtive. Zhuli i çibukut të duhanit. Jaka e palltos i ishte bërë gjithë zhul. I hoqi zhulin. Merr zhul shpejt. Kishte zënë një gisht zhul.
2. Byk. - Ndaje grurin prej zhulit.
3. fig., keq. Këllirë, ndyrësi. Nuk ka detergjent që t’ua nxjerrë zhulin!
✱Sin.: lerë, baltë, zdralë, zdrëmë, zgaq, zhol, lëtyrë, pah, pall, llum, vrug, zgjyrë, bram, ndyrësirë, këllirë, strup, byk.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë