Fjalori

Rezultate në përkufizime për “zhgjëndërr”

Mëso si ta përdorësh
<<< Kthehu te kërkimi kryesor në fjalor

PËRMENDJE

PËRMÉNDJ/E,~A f. 1. Veprimi kur përmend dikë apo diçka ose kur përmendem
2. Gjendja pasi përmend dikë apo diçka ose kur përmendem.
✱Sin.: prekje, cekje, çekje, çikje, zgjim, zhgjëndërr.

ZHGJËNDËRR

ZHGJËND/ËRR,~RRA f. sh. ~RRA, ~RRAT 1. Gjendja kur filloj të përmendem pas një ëndërrimi; të përmendurit pas një ëndrre. Ishte në zhgjëndërr. As në ëndërr, as në zhgjëndërr. Gjendja në mes të ëndrrës dhe të zhgjëndrës.
2. E vërteta që shohim kur dalim nga ëndërrimi. Ëndrra iu bë zhgjëndërr. A është ëndërr apo zhgjëndërr? Çdo zhgjëndërr është ëndërr. Në zhgjëndërr zotërojnë mendimet. Si njeriu që pickon veten për të kuptuar nëse ndodhet në ëndërr a në zhgjëndërr.
3. fig. Zhgënjim. Zhgjëndërr e rëndë.

ZHGËNJIM

ZHGËNJÍM,~I m. sh. ~E, ~ET 1. Gjendja kur humb shpresën a besimin që kisha te dikush a te diçka. Zhgënjimi nga miqtë është i rëndë. Zhgënjim i papritur. Nuk e durontë dot këtë zhgënjim.
2. Ndjenja që përjetojmë, kur dikush a diçka nuk na del ashtu siç e prisnim ose siç e mendonim, por na del keq; pakënaqësia që lind kur zhgënjehemi, zhgjëndërr. Zhgënjim i hidhur (i thellë). Ndjenja e zhgënjimit. Solli zhgënjim. Pësoi një zhgënjim. Nji zhgënjim ia kish mbërthye shpirtin e vramë nga ajo tradhti e të dashunit të zemrës.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë