Fjalori

Rezultate në përkufizime për “zhburrnuar”

Mëso si ta përdorësh
<<< Kthehu te kërkimi kryesor në fjalor

BURRËRUAR

BURRËRÚAR (i) mb. 1. Që është burrëruar, që është në moshën e burrërisë, që ka hyrë në radhën e burrave. Djalë i burrëruar.
2. Që është plot guxim e trimëri, që ka fituar vetitë e larta të burrit; kund. i zhburrnuar.
✱Sin.: burrëror, i rritur, i zburritur, i madhuar, i pjekur, i burrëzuar.

POSHTËRUAR

POSHTËRÚAR (i, e) mb. 1. Që është poshtëruar para të tjerëve, që e ka humbur emrin e mirë, që nuk e nderojnë më. E ndiente veten të poshtëruar.
2. bised. I mundur, i mposhtur.
✱Sin.: i fyer, i zhburrnuar, i shkarëzyer, i përbythur, i turpëruar, i nëpërkëmbur, i njollosur, i dhunuar, i baltosur, i damkosur, i mundur, i mposhtur, i telendisur.

TURPËRUAR

TURPËRÚAR (i, e) mb. 1. Që e ka zënë turpi; i koritur, me turp. Iku i turpëruar. Rrinte kokulur e i turpëruar.
2. Që është bërë me turp, që është njollosur botërisht. Mbeti i turpëruar për tërë jetën.
✱Sin.: i marruar, i përmarruar, i skuqur, i cenuar, i zhburrnuar, i zhburrëruar, i fëlliqur, i njollosur, faqenxirë, ballëfshehur, i telendisur, i koritur, i çnderuar, i damkosur, i baltosur, i koritur.

ZHBURRNUAR

ZHBURRNÚAR (i, e) mb. I zhburrëruar; kund. i burrëruar. Ikën të zhburrnuar.

ZHBURRËRUAR

ZHBURRËRÚAR (i, e) mb. 1. Që është zhburrëruar, që nuk ka më burrëri (për një burrë); kund. i burrëruar. Uli kokën i zhburrëruar.
2. Që i ka humbur nderi, i turpëruar, i poshtëruar; i ulur para të tjerëve (për një burrë). Ikën të zhburrëruar.
✱Sin.: i zhburrnuar, i çnderuar, i poshtëruar, i turpëruar, i ulur.

ÇMASHKULLUAR

ÇMASHKULLÚAR (i, e) mb. Që është zhveshur nga vetitë mashkullore; i zhburrnuar.
✱Sin.: i zhburrnuar, i turpëruar, i tredhur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë