Fjalori

Rezultate në përkufizime për “zhburrnoj”

Mëso si ta përdorësh
<<< Kthehu te kërkimi kryesor në fjalor

BAJATIS

BAJATÍS vep., ~A, ~UR kal. 1. Bajatos.
2. fig., keq. I flas keq dikujt a e fyej para të tjerëve; e turpëroj, e bajatoj, i hedh lerë. Të bajatis kot së koti.
✱Sin.: turpëroj, bajatoj, marroj, përmarroj, zhburrnoj, vrugoj, vrug, fëlliq, njollos, telendis, sterroj, zezoj, korit, korishtoj.

BURRËROJ

BURRËR/ÓJ vep., ~ÓVA, ~ÚAR kal. 1. E rrit, e bëj burrë; e bëj si burrë, i jap pamje burri. Veshja e burrëronte ca.
2. E bëj më të pjekur e më guximtar, e kalit, i jap vetitë e larta të burrit, e bëj si burrë; kund. zhburrnoj. Lufta i burrëroi. Vetë jeta të burrëron.
✱Sin.: zburrit (zburris), madhoj, rrit, pjek.

POSHTËROJ

POSHTËR/ÓJ vep., ~ÓVA, ~ÚAR kal. 1. E ul dikë në sy të të tjerëve, i marr nderin duke e sharë e duke e fyer rëndë, duke e trajtuar keq etj., e bëj me turp; ul nderin, personalitetin, figurën e dikujt, nxij. Poshtëroi familjen. Poshtëroi veten. Qortoje, po mos e poshtëro!
2. Bëj që të humbasë vlerën, rëndësinë a emrin e mirë që ka pasur, bëj që të mos vlejë fare.
3. bised. Vë poshtë, mund, mposht. I poshtëruan armiqtë.
✱Sin.: ul, përul, fyej, zhburrnoj, nxij, dhunoj, pështyj, shaj, përbuz, përtok, përdhos, nëpërkëmb, telendis, turpëroj, balos, baltos, baltoj, damkos, njollos, çnderoj, mund, mposht, shkarëzej, shkel, përbyth, shpërbyth.

TREDH

TREDH vep., TRÓDHA, TRÉDHUR kal. 1. Heq, rrëgjoj a mpij organet mashkullore të një kafshe a të një njeriu; e bëj shterp një mashkull. Trodhi demin (dashin, cjapin, ftujakun, karçinin).
✱Sin.: çjerr, dëlir, skopis, rrah, zhburrëroj, zhburrnoj.
♦ Tredh *dashin (dikush). Ia trodhi *koqet (dikujt) keq. vulg.

TURPËROJ

TURPËR/ÓJ vep., ~ÓVA, ~ÚAR kal. 1. Bëj me turp dikë; i nxij faqen; fyej dikë përpara të tjerëve, e bëj që ta tallin të tjerët; bëj që të druhet para të tjerëve; korit, damkos, njollos, stigmatizoj; kund. nderoj (i zbardh faqen). Turpëroi familjen (prindërit, vëllezërit, motrat). Mos na turpëro! Nuk na turpëron djali. E turpëroi në sy të të gjithëve.
2. I marr nderin, e çnderoj, e përdhunoj, e njollos. Deshi ta turpëronte. U hodhën nga shkëmbi, të të mos i turpëronin.
✱Sin.: marroj, skuq, stërkeq, cenoj, telendis, zhburrnoj, zhburrëroj, fëlliq, njollos, sterroj, korit, çnderoj, damkos, përdhos, baltos.

UL

UL vep., ~A, ~UR kal. 1. E zbres dikë a diçka nga lart poshtë, i zvogëloj lartësinë; e vë të mbështetet diku, e zbres në tokë; kund. ngre, çoj. Ul flamurin. Ul aeroplanin. Ul barrën (drutë, kovën). Ul vigun (tezgën). Ul shportën në shesh. Ul dorezën e telefonit. Ul fëmijën.Ul përdhe (përtokë).
2. Përkul teposhtë, anoj ose var pjerrtas; e drejtoj poshtë; kund. ngre. Ul kokën. Ul kurrizin (shpatullat). Ul vetullat. Ul duart (krahët, grushtin). Ul degët. Ul strehën e kapelës. Ul sytë (vështrimin).
3. E kaloj nga qëndrimi pingul në gjendje të shtrirë; e bëj të shtrihet teposhtë diçka që është e kapur nga njëra anë, lëshoj; kund. ngre, çoj. Ul kapakun. Ul perden. Ul jakën e palltos. Ul mëngët. Ul pëlhurat Ul perden. Ul jakën e palltos. Ul mëngët. Ul pëlhurat e barkës mbledh velat.
4. E bëj të rrijë; e vë të rrijë diku. E uli në karrige (në tryezë). E uli në prehër. E uli në gjunjë. E uli në karrocë (në veturë). E uli pranë (afër) vetes.
5. E bëj më të vogël, i pakësoj madhësinë, vlerën, masën a shkallën, zvogëloj; kund. rrit; ngre. Ul temperaturën (shtypjen, trysninë). Ul ngarkesën. Ul fitilin. Ul çmimet. Ul shpenzimet (koston). Ul rrogën (pagesën). Ul qiranë. Ul shpejtësinë (ritmin). Ul prodhimin (rendimentin). Ul moshën. I ulën një notë (notën e sjelljes). Ia ulën dënimin.
6. E bëj të ndriçojë ose të dëgjohet më pak, e bëj më të ulët, dobësoj. E uli dritën (llambën). E uli zërin. Ule pak radion!
7. I pakësoj vrullin ose shkallën e shfaqjes a të zhvillimit, e bëj të bjerë, i zvogëloj forcën, madhësinë, e dobësoj. Ul forcën (vrullin). Ul ndjeshmërinë. Ul dhembjen. Ia uli inatin (zemërimin, gjakun). Ul ngarkesën. Ul temperaturën.
8. I pakësoj rëndësinë, cilësinë ose vlerën, e zbres në një shkallë më të ulët. E ka ulur stilin (mjeshtërinë). E ul nivelin e shfaqjes (e veprës).
9. E zbres një shkallë më poshtë në detyrë ose në përgjegjësi. E ulën në detyrë (në përgjegjësi).
10. I cenoj vetitë morale ose i zvogëloj meritat në sytë e të tjerëve; poshtëroj. Ul veten. Ul autoritetin (prestigjin). I ul nderin. E ul përpara të tjerëve (në sytë e botës).
✱Sin.: zbres, rrëzoj, lëshoj, përkul, përul, fal, anoj, var, rrëzoj, shtrij, zvogëloj, pakësoj, platis, fashis, mpak, pulis, zbus, qetësoj, shtroj, paqësoj, dobësoj, kapis, poshtëroj, përul, prozhmoj, zhburrëroj, zhburrnoj, fyej.
♦ *Ngre e ul (dikush). Ul *bishtin (dikush) përçm. Uli *flamurin (dikush). I uli (i ftohu) *gjakrat (dikush). E uli *hundën (dikush) iron. Ia uli *hundën (dikujt). E uli *kokën (kryet) (dikush). Uli kryet (*kokën) (dikush). E uli *kurrizin (shpinën) (dikush). Përkul (ul) *mesin. Ul e ngre (dikush) thotë vazhdimisht të njëjtën gjë, s’ka muhabet tjetër, përsërit po atë gjë; ngre e ve; bjer e çohu. I uli *pendët (dikush). E uli (e rrëzoi) *përtokë (dikë a diçka). I uli *puplat (dikush). E uli (e shtroi) *qafën (zverkun) (dikush) përb. E uli (e shtroi) shpinën (*kurrizin) (dikush) përb. I uli (i vari) *veshët (dikush). E ul *zërin (për dikë a për diçka). Ia ul *zërin (dikujt). E uli (e shtroi) zverkun (*qafën) (dikush) përb.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë