Fjalori

Rezultate në përkufizime për “zhargitje”

Mëso si ta përdorësh
<<< Kthehu te kërkimi kryesor në fjalor

VARRAKATJE

VARRAKÁTJ/E,~A f. sh. ~E, ~ET bised. Veprimi kur varrakat a varrakatem. Varrakatja e punës. Varrakatja e projektit. Varrakatja e dasmës.
✱Sin.: zvarritje, vonim, zhargim, zhargitje, tororisje, zvargim.

VLLAÇITJE

VLLAÇÍTJ/E,~A f. sh. ~E, ~ET 1. Veprimi kur vllaçitim me vllaçë arën e lëruar, kur i vëmë vllaçën. Vllaçitja e arës (tokës së lëruar). Vllaçitja e parë. I bëj vllaçitjen arës. I bëri dy vllaçitje.
2. fig. Veprimi kur shkojmë duke u zhargur; kur i lëmë punët zvarrë a i bëjmë shkel e shko. Vllaçitja e punës. Vllaçitja e këmbëve.
✱Sin.: trinim, lesim, sheshim, shqezim, branim, zvarritje, zgjatje, zhargitje, rrëshqitje.

ZVARRITJE

ZVARRÍTJ/E,~A f. sh. ~E, ~ET 1. Veprimi kur zvarrit diçka; heqja zvarrë e dikujt a e diçkaje. Zvarritja e të vrarëve. U mor me zvarritjen e trarëve. Zvarritja e gjarprit (e kungullit). Rrobat e grisura nga zvarritjet.
2. fig. Lënia e diçkaje pa mbaruar për një kohë të gjatë, mbajtja e një pune nëpër duar për shumë kohë. Zvarritje të qëllimshme. Zvarritja e çështjes. Zvarritja e botimit të veprës. Zvarritja e punëve. Zvarritje burokratike. Ka pasur zvarritje dhe parregullsi të theksuara. Të neverit kjo zvarritje prej zvarranikësh, që të kujton gjarprin a krimbin.
3. Zgjatja më shumë se zakonisht (e zërit, fjalëve etj.), zvargie. Në këtë muzikë ka edhe përsëritje ose zvarritje të tingujve.
✱Sin.: zgjatje, shtyrje, zvargie, zhagmitje, zhargitje, rrëshqitje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë