Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
BREZADÝNDUR mb. 1. Që është i çrregullt në veshje, i shkatërruar, shkatarraq. Burrë brezadyndur.
2. si em. m. e f. Sipas kuptimit të mbiemrit.
✱Sin.: shkatarraq, i shkatërruar, i çrregullt, shufalak, zhabzhyrr, i zhargët, llosh, llapazhar, xhanavar.
PAKUJDÉSSH/ËM (i), ~ME (e) mb. 1. edhe si em. Që nuk tregon kujdes për dikë a për diçka; që sillet a vepron pa kujdes; kund. i kujdesshëm. Njeri i pakujdesshëm. Vajzë e pakujdesshme.
2. edhe si em. Që e bën diçka pa kujdes e pa vëmendje, që nuk e ka mendjen aq sa duhet te diçka; që nuk ka rregull në jetën e përditshme e në punë; kund. i kujdesshëm. Punëtor (nxënës) i pakujdesshëm.
3. Që bëhet pa kujdesin e pa vëmendjen e duhur; kund. i kujdesshëm. Punë e pakujdesshme. Qëndrim i pakujdesshëm.
✱Sin.: i pakujdes, i shkujdesur, i pavëmendshëm, i papërpiktë, i çrregullt, shkatarraq, xhanavar, i zhargët, i zhdërjendur, zhvatarak, branar, i papërqendruar, i shpërqendruar, i papërgjegjshëm.
SHALLAPÁT,~E mb. 1. Që nuk mbahet mirë, që nuk i kushton rëndësi pamjes së jashtme, shkallafat, i çrregullt. Djalë shallapat. Avokati shallapat endej shkallëve të gjykatës.
2. si em. ~I m. sh. ~A, ~AT Ai që është vishet keq, që nuk i kushton kujdes veshjes, shkatarraq. Shallapati ishte i qetë për pamjen e tij.
3. si em. ~JA f. sh. ~E, ~ET Ajo që është vishet keq, që nuk i kushton kujdes veshjes, shkatarraqe. Dukej si shallapate me atë fustan.
✱Sin.: shkallafat, shkatarraq, i çrregullt, i pakujdesshëm, zhabzhyrr, shufalak, i zhargët, llosh, rrobavarur.
SHKALLAFÁT,~E mb. Që nuk mbahet mirë, që nuk i kushton rëndësi pamjes së jashtme, shkallafat, i çrregullt. Burrë shkallafat.
✱Sin.: shallapat, shkatarraq, i çrregullt, i pakujdesshëm, zhabzhyrr, shufalak, i zhargët, llosh, rrobavarur.
SHKATARRÁQ,~E mb., mospërf. 1. Që është prishur, i shkatërruar, që mezi qëndron më këmbë; që punon keq, që është si karakatinë. Tryezë shkatarraqe. Bujtinë shkatarraqe. Furgon shkatarraq. Mbante në dorë një ombrellë shkatarraqe.
2. Që nuk tregon kujdes në paraqitjen e jashtme dhe në punët e tij, i çrregullt, i pakujdesshëm. Veshje shkatarraqe.
3. Që nuk di veçse të prishë e të shkatërrojë; trazovaç. Fëmijë shkatarraq.
4. fig. Që nuk është bërë si duhet, përdoret keq. Gjuhë shkatarraqe.
✱Sin.: i rrëzuar, i shkallmuar, karakatinë, zhabzhyrr, shufalak, i zhargët, llosh, xhanavar, llapazhar.
SHKATËRRÁN,~E mb., mospërf. Shkatarraq, shufalak, i zhargët, llosh. Djalë shkatërran. Grua shkatërrane.
SHUFALÁK,~E mb., keq. Që vishet pa kujdes e nuk i mban mirë rrobat; shkatarraq, shkallafat. Burrë shufalak. Grua shufalake.
✱Sin.: shallapat, shkatarraq, i çrregullt, i pakujdesshëm, shkallafat, i zhargët, llosh.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë