Fjalori

Rezultate në përkufizime për “zhanër”

Mëso si ta përdorësh
<<< Kthehu te kërkimi kryesor në fjalor

HIP-HOP

HÍP-HÓP,~I m., muz. Zhanër muzikor me tipare të repit me sfond elektronik, me prejardhje nga komunitetet e të rinjve afrikano-amerikanë dhe portorikanë në Shtetet e Bashkuara të Amerikës, e shoqëruar me një stil të veçantë mode e qëndrimi; një përzierje arti, muzike dhe shprehje shoqërore.

LLOJ

LLOJ,~I m. sh. ~E, ~ET 1. Tërësia e qenieve ose e sendeve, që formojnë një grup sipas tipareve të përbashkëta dhe dallohen nga qeniet ose nga sendet e tjera; grup qeniesh, sendesh ose dukurish me të njëjtat veti a tipare, grup sendesh të një cilësie; fare, soj. Lloj druri. Lloj duhani. Letër e këtij lloji. Llojet e sporteve. Lloj leshi (pambuku). Lloj stofi.
2. Natyra e veçantë e diçkaje; mënyra si kryhet një veprim a një veprimtari; dallimi i një dukurie, që merret si tip. Lloji i punimeve. Lloji i punës. Lloji i fajit. Lloji i kërcimit. Llojet e kapjes (e kalimeve). Gjeti një lloj tjetër zgjidhjeje.
3. biol. Njësia bazë e botës bimore e shtazore, e cila përfshin bimë ose kafshë që i kanë të përbashkëta tiparet kryesore morfologjike, fiziologjike dhe ekologjike. Llojet e gjinisë. Prejardhja (origjina) e llojeve.
4. let., art. Nënndarje e gjinive artistike, e cila përfshin vepra që dallohen nga disa veçori të caktuara të brendisë e të formës. Llojet e epikës (e dramatikës, e lirikës). Romani është një nga llojet e epikës.
✱Sin.: farë, soj, rod, kategori, mënyrë, specie, tip, njësi, nënndarje, markë, gjini, zhanër.

MAKSIMALIZËM

MAKSIMALÍZ/ËM,~MI m. Zhanër unik i artit që bazohet në përdorimin e elementeve të shumta dekorative, të ngjyrave të ndezura e të gjalla, detajeve komplekse dhe teksturave të ndryshme brenda së njëjtës hapësirë. Maksimalizmi ishte në modë.

NARRATIV

NARRATÍV,~E mb., let. Rrëfimtar, tregimtar. Tekste narrative. Ese narrative. Zhanër narrativ. Mjekësia narrative mjekësi e praktikuar me aftësi që të na japë mundësi të njohim, kuptojmë, interpretojmë dhe reagojmë ndaj historive të sëmundjes.

NARRATIVË

NARRATÍV/Ë,~A f., let. Rrëfimtari, tregimtari. Narrativa është zhanër letrar. Elementet e narrativës. Narrativa që përdor autori.

TALLAVA

TALLAVÁ,~JA f. 1. nj. Zhanër muzikor argëtues i romëve të Kosovës dhe të Maqedonisë, i cili përzjen elemente të huazuara nga praktikat muzikore orientale të Ballkanit, të Turqisë e pjesërisht të vendeve arabe, me tekste të improvizuara në çast e me subjekte të rëndomta e naive nga jeta e përditshme. Këngëtar tallavaje. Këngëtar i tallavasë. I pëlqen tallavaja.
2. keq. Muzikë e nivelit të ulët, e cilësisë së ulët, muzikë pa kritere; këngë që shoqërohet me muzikë dhe që nuk ka vlera artistike.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë