Fjalori

Rezultate në përkufizime për “zgrof”

Mëso si ta përdorësh
<<< Kthehu te kërkimi kryesor në fjalor

LUGTH

LUGTH,~I m. sh. ~E, ~ET 1. Lug i vogël kroi, lëfyti i kroit. Bie ujë nga lugthi.

2. anat. Pjesa e thelluar ndërmjet barkut e kraharorit, gropa e stomakut. Lugthi i zemrës (i gjoksit).

3. anat. Stomaku.

✱Sin.: lëfyt, gropë, zgavër, stomak, zemër, zgorkë, zgrof, zgrop.

STOMAK

STOMÁK,~U m. sh. ~Ë, ~ËT anat. Pjesa kryesore e aparatit tretës te njeriu dhe te kafshët, që ndodhet në pjesën e sipërme të barkut, fill pas kapërcellit dhe që ka trajtën e një traste muskulore, në të cilën bluhet ushqimi. Stomaku i njeriut. Ishin dëmtuar muret e stomakut. Lëngjet e stomakut. Kishte dhembje stomaku. Kam një rëndim të lehtë në stomak. Nuk ia duron stomaku ushqimet e thata.
✱Sin.: lukth, mide, mullë, mullëz, zgrof, zgorkë, plëndës, bark.
♦ M’u ngrit stomaku *përpjetë (nga dikush a nga diçka). S’ma tret (s’ma honeps) stomaku (diçka) nuk e duroj dot diçka, nuk mund ta pranoj, nuk mund të pajtohem me të; është e pabesueshme, është gënjeshtër ose diçka tjetër e keqe, që nuk e honeps a nuk e gëlltit dot; s’ma tret mideja.

VODISHNJAK

VODISHNJÁK,~U m. Vend i zbrazët nën mulli, ku del uji jashtë mullirit, zgot, zgrof. Vodishnjaku i mullirit.
✱Sin.: zgot, zgrof.

ZGAVËRT

ZGÁVËRT (i, e) mb. 1. I zbrazët përbrenda, që është si zgavër, që nuk ka asgjë brenda; që ka zgavër. Dru (trung) i zgavërt. Shpellë e zgavërt. Pjesa e zgavërt e drurit. Mur i zgavërt së brendshmi. Gur i zgavërt.
2. Që është i futur përbrenda, që është si gropë, i zgavruar. Gjoks i zgavërt.
✱Sin.: i zgavruar, i zbrazët, bosh, i gëzhollët, gabrrec, zgrof, zgavriq.

ZGROF

ZGROF,~E mb. I zgavërt, i zbrazët. Trung (dru) zgrof. Me barkun zgrof.

ZGROF

ZGROF,~I m. sh. ~A, ~AT bised. Stomaku i njeriut a i kafshës, zgrop; barku. Zgrofi i njeriut. Zgrofi i lopës. - E mbushe zgrofin? I dhemb zgrofi.
✱Sin.: stomak, bark, zgrop, lukth.

ZGROP

ZGROP,~I m. sh. ~A, ~AT bised. Zgrof. Me barkun zgrop. E ka zgropin të pangopur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë