Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
►NDÉ/HEM jovep., ~VA (u), ~RË 1. vetv. Shtrihem sa gjatë, gjerë. U nde në shtrat. U nde pranë zjarrit. U nde përtokë.
2. fig., vetv., vet. v. III Përhapet e mbulon diçka; bie. Po ndeheshin hijet e para të muzgut. U nde mjegulla (tymi). U nde nata (errësira). U nde një heshtje e plotë. Në sytë e saj ndehej një tis pikëllimi.
3. vetv., vet. v. III Tendoset. Iu nde fytyra. Ndehet si hark.
4. vetv. I vihem nga pas, e ndjek me vrap; i qepem. Iu ndenë qentë. Iu ndenë malit. Iu nde e s’iu nda.
5. pës. e NDEJ.
✱Sin.: shtëllitem, ngrihem, zgjatem, nderem, shtriqem, shtrihem, përhapet, mbulon, bie, ashpërsohet, acarohet, tendoset, ndjek, qepem, vihem.
►PËRHÁP/EM jovep., ~A (u), ~UR 1. vetv., zakon. sh. Largohemi në drejtime të ndryshme dhe mbushim një shesh a gjithë vendin.
2. vetv., vet. v. III Shtrihet në drejtime të ndryshme diçka që është e grumbulluar në një vend; zë gjithë vendin, pushton; prishet një grumbull, shpërndahet. U përhapën nëpër pyll (nëpër fushë). U përhap mjegulla. U përhap flaka (zjarri). Përhapën tingujt. Përhapet aroma e luleve. Përhapen rrezet e diellit.
3. vetv., vet. v. III Merr një shtrirje a përpjesëtim të gjerë, zgjerohet; kap edhe vende të tjera. Përhapet mbjellja në sera. Përhapet përdorimi i pajisjeve kompjuterike në mësim.
4. vetv., vet. v. III Kalon një sëmundje nga njëri tek tjetri, prek një shumicë njerëzish, mbartet, shtrihet. Sëmundjet ngjitëse përhapen shpejt.
5. vetv., vet. v. III Bëhet e ditur a e njohur për të gjithë ose për një rreth të gjerë njerëzish; përvetësohet nga një shumicë njerëzish; shtrihet, popullarizohet. U përhap fjala (lajmi) se... Përhapet përvoja e më të mirëve.
6. vetv. Shpërndahem e merrem me gjëra të tjera që nuk lidhen shumë me thelbin e një çështjeje; zgjatem për së tepërmi kur merrem me studimin, me shqyrtimin a me trajtimin e diçkaje; nuk përqendrohem në diçka, hapem. U përhap në hollësira (në gjëra të panevojshme). Punon shumë, po përhapet tepër.
7. pës. e PËRHÁP.
✱Sin.: shpërndahem, përndahem, hapem, shpërhapet, shpërderdhet, shkoqem, përshkoqem, përshkënditem, hallakatem, davaritem, zhdavaritet, tuhatem, damahushet, përbishtem, shqepem, shtrihem, zgjerohem, derdhem, bie, qarkullohem, shpërpallet, dal, shkon, vete, kalon, tërhapem, zgjerohem, përdegem, çakërdisem, pushtohem, shkapërderdhem, shprishem, zhvillohem, rritem, shtrapëzohet, dëgjohem, njihem, përvetësohet, popullarizohem, hapërdahem, zgjatem, hapem, tërhapem. shpërqendrohem, shtohem, tejçohet, tejshtrihet, rrezatohet, depërton, gëlon, jehon.
►VARRAKÁT/EM jovep., ~TA (u), ~TUR bised. 1. vetv. Zgjatem shumë në një punë për ta përfunduar; zvarritem, vonohem; e bëj ngadalë dhe si me zor. U varrakat shumë në atë punë. Varrakatet shumë. Mos u varrakat! Shumë u varrakate, na vonove kot.
2. pës. e VARRAKAT.
✱Sin.: zhargem, zhargitem, tororisem, zvarget.
►ZGJÁTEM jovep. ~A (u), ~UR 1. vetv. Bëhem i gjatë a më i gjatë nga sa jam, zgjatohem, gjatohem. Sa u zgjat djali (vajza)! Iu zgjatën flokët (thonjtë). - Erdh e u zgjatua si kallam, sa po arrinte tavanin.
2. vetv. Shtrij trupin a gjymtyrët për të arritur diçka që është larg ose për të parë a për të dëgjuar më mirë diçka; vet. veta III shtrihet, drejtohet. U zgjat për të parë (për të dëgjuar). U zgjat për ta kapur. U zgjat nga dritarja. Krahët u zgjatën përpara. Hija e malit në perëndim zgjatohej tutje mbi grunaja. Mos u zgjat tek nuk arrin. (fj. u.).
3. vetv., vet. veta III Shtrihet a hapet në një truall të caktuar ose në një drejtim të caktuar, shtrihet e arrin gjer në një vend. Rruga zgjatet buzë lumit. Shtyllat zgjaten deri në fshatin më të largët. Zotërimet e tyre zgjateshin deri në Drin.
4. vetv. Merrem me diçka a bëj diçka për një kohë më të gjatë nga sa duhej ose nga sa ishte menduar, e kaloj kohën e parashikuar; vijon më shumë se ç'duhet. U zgjat shumë me fjalë. - Mos u zgjat më! - U zgjate ca. Kjo punë u zgjat e u bë tërkuzë.
5. vetv., vet. veta III Bëhet më e gjatë (për kohën); kund. shkurtohet. U zgjat nata (dita). Iu zgjat jeta. Iu zgjatshin ditët! (ur.).
6. pës. e ZGJAT1,2,4,5.
✱Sin.: zgjatohem, ngjatem, gjatohem, rritem, lëshohem, zgjatem, ndehet, hapet, drejtohet, shtyhet, vonohet, vijon, vazhdon, mban.
♦ I janë zgjatur (i janë rritur) *thonjtë (dikujt) keq. M’u zgjatën *veshët.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë