Fjalori

Rezultate në përkufizime për “zengjin”

Mëso si ta përdorësh
<<< Kthehu te kërkimi kryesor në fjalor

GJËSHËM

GJËSH/ËM (i), ~ME (e) mb. I pasur, i kamur. Njeri i gjëshëm. Nga bizhutë kuptohej që qe e gjeshme.
✱Sin.: pasanik, pasunar, kamës, zengjin.

GJËSHËM

GJËSH/ËM,~MI (i) m. sh. ~ËM, ~MIT (të) I pasur; pasanik. Të gjëshmit s'bëheshin merak për të pagjëshmit.
✱Sin.: i pasur, pasanik, zengjin.

PASUR

PÁSUR (i, e) mb. 1. Që ka shumë gjë e mall dhe para, që ka trashëguar a që ka vënë pasuri të madhe; kund. i varfër. Njeri i pasur. Familje e pasur. U bë i pasur.
2. Që ka me shumicë të mira materiale e prodhime, i begatshëm. Vend i pasur.
3. Që e ka diçka me shumicë, që është plot me diçka të dobishme a të vlefshme; që është në sasi të madhe; kund. i varfër. Ushqim i pasur. Mineral i pasur. Bibliotekë e pasur. Bimësi e pasur.
4. fig. Që ka larmi të elementeve përbërëse, që ka vlera të shumanshme, që ka shumë elemente me vlerë, me rëndësi etj.; kund. i varfër. Gjuhë e pasur. Fantazi e pasur. Tablo e pasur. Program i pasur artistik. Jetë e pasur. Ka përvojë të pasur.
✱Sin.: pasanik, pasunar, i kamur, kamës, i gjëshëm, i madh, paralli, paremadh, pareshumtë, zengjin, reshper, i begatshëm, begator, i begatë, barkplot, barkmbushur, barkngopur, barknginjur, barkplot, xhepfryrë, i majmë, i dhjamur, qesemadh, i leshtë, mbretëror, i kapur, buqar, i gjëshëm, i zënë, zotëri, aga, afendiko, i bollshëm, i larmishëm, i buhishëm, i gjithfarëllojshëm, gjithfarësh, i shumëllojshëm.

ZENGJIN

ZENGJÍN,~E mb., bised. 1. I pasur, pasanik. U bë zengjin. Derë (shtëpi) zengjine.
2. I begatshëm, i pasur. Vend zengjin.

ZENGJIN

ZENGJÍN,~I m. sh. ~Ë, ~ËT bised. Pasanik; kund. i varfër. Zengjin i madh. Zengjini e fukarai. Zengjinët e rinj. Djalë zengjini. Ca rrojnë si zengjinë. Punonte argat te një zengjin. Derisa t’i teket zegjinit, fukarait i ka dalë shpirti. (fj. u.). Nga zengjini i ri mos u huaj kurrë. (fj. u.). Është fukara përjashta e zengjin përbrenda. (fj. u.). Vdekja nuk këqyr a është fukara a zengjin, po mbarë i përfshin. (fj. u.). Behari është për fukaranë, dimri është për zengjinë. (fj. u.).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë