Fjalori

Rezultate në përkufizime për “zemërflori”

Mëso si ta përdorësh
<<< Kthehu te kërkimi kryesor në fjalor

NDERSHËM

NDÉRSH/ËM (i), ~ME (e) mb. 1. Që vepron në përputhje me moralin e normat e shoqërisë, që sillet dhe punon me nder, me drejtësi e me ndërgjegje; kund. i pandershëm. Njeri i ndershëm. Qytetar i ndershëm. Nëpunës të ndershëm. I ndershëm gjer në thembër.
2. Që bëhet duke punuar me nder, me drejtësi e me ndërgjegje; që përshkohet nga qëllime të drejta e të pastra, që shpreh drejtësi e çiltëri. Punë (sjellje) e ndershme. Qëndrim i ndershëm. Qëllime (synime) të ndershme. Me rrugë të ndershme. Proces i ndershëm.
3. Që përputhet me ligjet e ndershmërisë, të detyrës, të virtytit; që është i pastër moralisht; i pacenuar, i panjollosur. Vajzë (grua) e ndershme. Familje e ndershme. Njerëz të ndershëm. Të qenët i ndershëm.
✱Sin.: i ndërgjegjshëm, i virtytshëm, shpirtdëlirë, zemërbardhë, i ndermë, zemërartë, zemërdëlirë, i dëlirë, zemërpastër, i sjellshëm, zemërflori, zemërhapur, i sinqertë, faqelarë, qëllimmirë, fillmirë, fisnik, esnaf, i drejtë, i paanshëm, i çiltër, i pastër, besnik, i pacenuar, i panjollosur, namusqar.

SHPIRTAR

SHPIRTÁR,~E mb. Që e ka zemrën e pastër, me shpirt të kulluar, zemërflori. Drejtor zemërar. Grua shpirtare.
✱Sin.: zemërar, zemërflori.

ZEMËRARTË

ZEMËRÁRTË mb., fig. 1. Që e ka zemrën shumë të mirë e të pastër, i padjallëzuar; zemërbardhë, fisnik. Njeri zemërartë. Grua zemërartë. Gjyshja ime zemërartë. Ishte shumë i zgjuar dhe zemërartë. Ajo është e ndjeshme dhe zemërartë.
2. si em. m. e f. Sipas kuptimit të mbiemrit. Mendjendriturit dhe zemërartët e shoqërisë.
✱Sin.: zemërdëlirë, zemërflori, zemërpastër, punëmbarë.

ZEMËRFLORI

ZEMËRFLORÍ mb. 1. Zemërartë. Na ndanë shpejt me këtë njeri zemërflori. U përkujdes një mjek zemërflori.
2. si em. m. e f. Sipas kuptimit të mbiemrit. - O zemërfloriri i nënës!

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë