Fjalori

Rezultate në përkufizime për “zemërashpër”

Mëso si ta përdorësh
<<< Kthehu te kërkimi kryesor në fjalor

ZEMËRASHPËR

ZEMËRÁSHPËR mb. 1. Që sillet me egërsi, që nuk ka dhembshuri për të tjerët, që nuk i bëjnë përshtypje fatkeqësitë e të tjerëve; shpirtegër; zemërgur; kund. zemërbutë. Kishin kaluar dymbëdhjetë vjet dhe ajo ashtu mbeti, zemërashpër, nuk u zbut e nuk u ngroh. Zemërashpër e shpirtzi, / Rrinte si kërcu i zi. (folk.).
2. si em. m. e f. Sipas kuptimit të mbiemrit.

ZEMËRASHPËRSI

ZEMËRASHPËRSÍ,~A f. Të qenët zemërashpër, dallojë e atij që është zemërashpër. Ligji i hakmarrjes dhe i zemërashpërsisë.

ZEMËRGUR

ZEMËRGÚR,~E mb. 1. Që s'i zbutet zemra nga asgjë, që e ka zemrën të ftohtë e të pandjeshme si gur; i pamëshirshëm, i pashpirt, sikur ka lindur prej gurit; kund. zemërbutë. Baba zemërgur. Faraoni zemërgur. Njerkë zemërgure. Është zemërgur e nuk i vjen keq për askënd e për asgjë.- Mos u bëj zemërgure! - Pse bëhesh kaq zemërgur edhe me pjellën tënde? Të jetë kaq zemërgur sa thonë?! - pyeste veten.
2. si em. m. e f. Sipas kuptimit të mbiemrit. Ky rrëfim nuk është për zemërgurët. Më mirë ankoju drurit se zemërgurit. (fj. u.). - Fli, o zemërgure, i thirri pa zë.
✱Sin.: zemërakull, zemërashpër, zemërhekur, zemërshkëmb, i pamëshirshëm, i pashpirt, mizor.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë