Fjalori

Rezultate në përkufizime për “zdatur”

Mëso si ta përdorësh
<<< Kthehu te kërkimi kryesor në fjalor

LLASTUAR

LLASTÚAR (i, e) mb. Që përkëdhelet tej mase, që është llastuar; që është mësuar keq. Fëmijë i llastuar. Vajzë e llastuar. Mike e llastuar.
✱Sin.: i përkëdhelur, ledhatar, i ledhatuar, dhelatar, i lazdruar, i dhelur, i zdatur.

PACIPË

PACÍPË (i, e) mb. Që nuk ka fare turp, që nuk i skuqet faqja nga asgjë, që i ka plasur cipa, i paturp, i pafytyrë; që është karakteristik për një njeri cipëplasur, i ulët, i paturpshëm. Burrë i pacipë. Grua e pacipë. Punë e pacipë.
✱Sin.: i paturp, i paturpshëm, i pafytyrë, cipëplasur, cipëdalë, cipëngrënë, turpngrënë, turpemadh, i ulët, i paskrupull, i pamarre, i pabojë, i lyrët, lyrës, i lyrikur, i shpërlarë, faqezi, faqedjegur, faqerrogoz, sorrak, i zdatur, lapërdhar, lapanjoz, zgjebarak, edepsëz, açik.

PATURP

PATÚRP (i, e) mb. Që s’i vjen turp të bëjë diçka të pandershme a të thotë fjalë të pahijshme, që s’ka pikë turpi; i pafytyrë, i pacipë; që është karakteristik për një njeri të tillë. Njeri i paturp. Sjellje e paturp. Ishte i paturp. Gënjeshtar i paturp.
✱Sin.: i paturpshëm, i pacipë, i pamarre, i pafytyrë, i ulët, i pabojë, cipëplasur, cipëdalë, turpngrënë, cipëngrënë, turpemadh, faqezi, faqedjegur, faqerrogoz, i shpëlarë, i lyrët, lyrës, i lyrikur, maskara, edepsëz, qepaze, açik, balash, sorrak, i zdatur, i paskrupull, i poshtër, cipëtrashë, faqenxirë, lapangjoz, rrufjan, delenxhi, kodosh, i shëmtuar.

PËRKËDHELUR

PËRKËDHÉLUR (i, e) mb. 1. Që e duan më shumë prindërit, që përkëdhelet më shumë, të cilit i bëhen lëshime më shumë se fëmijëve të tjerë. E kishin djalë të përkëdhelur.
2. keq. Që është edukuar keq, duke ia plotësuar tekat e trillet, që është përkëdhelur tepër, i llastuar. Fëmijë i përkëdhelur.
✱Sin.: i ledhatuar, i llastuar, ledhatar, dhelatar, i dhelur, i lajkatuar, i lazdruar, lazdrak, i zdatur, pekulemadh, kanakar.

ZDAT

ZDAT (ZDAS) vep., ~A, ~UR krahin., kal. 1. I heq druajtjen a turpin dikujt, i hap syrin; e marr me të mirë, e përkëdhel shumë sa e prish; e llastoj, e bëj të lëshohet a të shthuret. I ka zdatur të vegjël e të mëdhenj. - Mos i zdatni fëmijët, se të hipin në qafë!
2. fig. I jap zemër, e trimëroj.
✱Sin.: përkëdhel, llastoj, shthur.

ZDATUR

ZDÁTUR (i, e) mb., krahin. 1. I llastuar, i përkëdhelur tepër. Fëmijë (djalë) i zdatur.
2. fig. I paturp, i pacipë. Djalë i zdatur.
✱Sin.: i llastuar, i përkëdhelur, i pacipë, i pafytyrë, i paturp.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë