Fjalori

Rezultate në përkufizime për “zdërhallje”

Mëso si ta përdorësh
<<< Kthehu te kërkimi kryesor në fjalor

DEHJE

DÉHJ/E,~AI f. sh. ~E, ~ET 1. Veprimi kur deh dikë; turbullim i mendjes, humbje e kontrollit të vetvetes nga pija alkoolike. Dehje me raki (me verë). Dehje nga alkooli.
2. Gjendje që shkaktohet nga përdorimi i alkoolit ose substancave që turbullon ndërgjegjen, të qenit i dehur. Është në dehje. I ndodh një dehje dhe kryen një vepër penale. Ai foli në gjendje dehjeje.
3. fig. Turbullim i mendjes nga një gjendje kënaqësie e madhe shpirtërore. E kapi një si dehje nga kjo ringjallje e shpresës. Dehja e dashurisë e bëri të harronte gjithçka tjetër. E ndiente një dehje lumturie.
✱Sin.: të pirë, pije, pirje, trullosje, zdërhallje, turbullim, çoroditje, ekstazë.

GOSTI

GOSTÍ,~A f. sh. ~, ~TË 1. Drekë a darkë, që shtrohet në raste gëzimi. E ftoi të merrte pjesë në gostinë e dasmës. Nuk i kishte qejf gostitë.
2. Ëmbëlsira që çohen dhuratë në një ceremoni gëzimi. Shkoi (vajti, erdhi) me një gosti.
✱Sin.: festë, festëz, buhi, çabullë, banket, dafrungë, gostitje, zdërhallje, drekë, darkë, refene, mësallë, tryezë, zijafet.

SHABAKIM

SHABAKÍM,~I m. sh. ~E, ~ET Të kaluarit e kohës në gosti e me qejfe, duke e tepruar me të ngrëna e me të pira, teprim, zdërhallje. Mori pjesë në një shabakim. Ndihej i lodhur pas shabakimit. Shabakim i gjatë (i shkurtër).
✱Sin.: zdërhallje, dehje, harlisje, teprim, shfrenim.

ZDËRHALLJE

ZDËRHÁLLJ/E,~A f. sh. ~E, ~ET 1. Veprimi kur zdërhall diçka; harlisje, gjallërim; zhdërhallje.
2. Gjendja kur zdërhallem; gosti e shfrenuar; dehje. E kalon kohën me zdërhallje.
✱Sin.: zhdërhallje, shabakim, dehje, harlisje.

ZHDËRHALLJE

ZHDËRHÁLLJ/E,~A f. sh. ~E, ~ET 1. Gjendja (zakonisht për bimët) kur zhvillohen dhe rriten jashtë mase, harlisje. Ka nisur zhdërhallja e mollëve në Korçë. Hardhitë janë në periudhën e zhdërhalljes.
2. Dehja në gosti (në dasmë), zdërhallje. Zhdërhallja nuk është e mirë, sidomos për të zotin e shtëpisë. Nuk e ka zhdërhalljen të keqe, pi sa bëhet karroqe dhe fle.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë