Fjalori

Rezultate në përkufizime për “zbuar”

Mëso si ta përdorësh
<<< Kthehu te kërkimi kryesor në fjalor

DEPORTUAR

DEPORTÚAR (i, e) mb. Që u dorëzohet autoriteteve të një vendi tjetër për shkak të shkeljeve të ligjit ose të rregullave të emigracionit; i dëbuar, i larguar. Persona të deportuar. Kriminel i deportuar.
✱Sin.: i dëbuar, i larguar, i dërguar, i dorëzuar, i përzënë, i hequr, i përjashtuar, i zbuar.

QËRUAR

QËRÚAR (i, e)III mb. I dëbuar. Fshatarët e qëruar nga beu i fshatit.
✱Sin.: i shporrur, i zbuar, i përzënë.

SIKTERISUR

SIKTERÍSUR (i, e) mb. Që është sikterisur; i dëbuar. Sa shumë po vuante familja e sikterisur. Të gjithë kujtonin mësuesin e sikterisur.
✱Sin.: i përzënë, i ndjekur, i shporrur, i zbuar; i përjashtuar.

SIKTEROSUR

SIKTERÓSUR (i, e) mb. Që është sikterosur; i sikterisur; i dëbuar. Nëna e sikterosur po i mbante fëmijët me vuajtje.
✱Sin.: i përzënë, i ndjekur, i shporrur, i zbuar; i përjashtuar.

SURDISUR

SURDÍSUR (i, e) mb. Që është surdisur. Njeri i surdisur.
✱Sin.: i dëbuar, i zbuar, i përzënë, i ndjekur, i larguar, i përjashtuar, i shporrur.

ZBOHEM

►ZB/ÓHEM jovep. ~ÓVA (u), ~ÚAR 1. vetv. Dëbohem. U zbuan nga vendet (nga shtëpitë) e tyre. Është zbuar nga puna. - A zbohet miku kështu? Ik me të mirë, në qoftë se nuk do që të zbohesh nga ky vend.
2. pës. e ZBOJ.

ZBUAR

ZBÚAR (i, e) mb. I dëbuar. I zbuar nga vatani i tij. I zbuar e i papërfillur. E quanin veten të zbuar.

ZGJEBOSUR

ZGJEBÓSUR (i, e) mb. 1. Që e ka zënë zgjebja, që ka zgjeben. Kafshë (bushtër) e zgjebosur. Dhi (dele) e zgjebosur. Të zbuar si qen të zgjebosur. Si mace të zgjebosura. Shtresë lëkurë delesh të zgjebosura. Kalë i zgjebosur. - Të mos tregohemi më as fodullë e as qerosë, as të zgjebosur dhe as me bishtin përpjetë. Dhinë e zgjebosur as qentë s’e hanë. (fj. u.). Dhia e zgjebosur moleps gjithë kopenë. (fj. u.). Dhia e zgjebosur ndahet nga shoqet. (fj. u.).
2. fig., përçm. I fëlliqur, i ndyrë dhe i veshur keq; që nuk ka fare vlerë. - Më të zgjebosur se i biri nuk më ka zënë syri deri më sot. Ka ca njerëz të zgjebosur. Kishte mënjanë ca para të zgjebosura.
3. si em. m. e f. Sipas kuptimit 2 të mbiemrit.
✱Sin.: zgjebarak, zgjebanik, i zgjebur, i kromosur, kromash, zhugan, kërmë, i lebrosur, zhugë.
♦ *Dhi e zgjebosur e bishtin përpjetë (cakërr) mospërf.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë