Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
AKROMATÍZ/ËM,~MI m., fiz., kim. 1. Pangjyrësi, zbehtësi, akromazi; mënjanim i ngjyrës përmes prizmave ose lenteve akromatike, çngjyrosje; kund. kromatizëm.
2. Mungesë e ngjyrosjes spektrore të imazheve në xhamat optikë.
3. Zbehtësi e përkohshme e shkaktuar nga qëndrimi në ambiente verbuese (në sipërfaqet të zbardhuara nga bora), akromazi.
✱Sin.: çngjyrosje, pangjyrësi, zbehtësi, akromazi.
BARDHËSÍR/Ë,~A f. 1. Bardhësi. Bardhësirë e pafund.
2. Agu i dritës, zbardhëllimi. Ra bardhësira.
3. Të qenët i zbehtë, zbehtësi, verdhësi.
✱Sin.: ag, zbardhëllim, zbehtësi, verdhësi.
DOBËSÍ,~A f. ~, ~TË 1. Të qenët i dobët nga trupi a nga shëndeti; gjendje jo e shëndoshë e gjithë trupit ose e një pjese a e një organi të tij; gjendje e tillë, kur dikujt i janë pakësuar fuqitë e aftësitë fizike; pafuqi; kund. fuqi, forcë. Dobësi e madhe (e përgjithshme). Dobësia e trupit (e krahëve, e këmbëve, e muskujve, e zemrës, e trurit, e syve, e veshëve). Dobësia e pleqërisë. Ndien dobësi pas sëmundjes. E ka nga dobësia.
2. Vetia dhe gjendja e diçkaje të dobët, të pafuqishme, të paqëndrueshme, të brishtë, të zbehtë, të pamjaftueshme, të pakënaqshme etj.; ultësi, mungesë force, brishtësi. Dobësia e qelqit (e letrës). Dobësia e pulsit. Dobësia e erës (e rrjedhës së lumit). Dobësia e dritës. Dobësia e ngjyrave. Dobësia e zërit. Dobësia e nuhatjes (e ndijimit, e kujtesës). Dobësia e rrymës elektrike. Dobësia e kundërshtarit. Dobësia e shtetit (e regjimit). Dobësia e ekonomisë.
3. Të qenët me karakter e me vullnet të dobët, me aftësi mendore e me njohuri mjaft të kufizuara; e metë; mungesë, pikë e dobët. Dobësia e argumenteve (e arsyetimit). Dobësia e vullnetit (e karakterit). Dobësitë e nxënësve (e mësuesve, e klasës). Dobësitë e prindërve. Dobësitë në punë (në stërvitje, në lojë). Dobësitë në sulm (në mbrojtje). Dobësitë në formimin e përgjithshëm. Dobësitë në përgatitjen e specialistëve. Ka dobësi të vogla (të mëdha). Dobësitë e të tjerëve i shohim me sytë e rrëqebullit, dobësitë tona, me sytë e urithit. (fj. u.).
4. Dashamirësi e dashuri e veçantë; parapëlqim e dëshirë e theksuar për diçka. Ka dobësi pikturën (teatrin, baletin etj.). Ka një dobësi për futbollistët (për skuadrën “Skënderbeu”, për punëtorët, për malësorët, për shkodranët...). Ka një dobësi për motrën e vogël. Ka një dobësi për këpucët me qafa (për filmat me luftë).
✱Sin.: pafuqi, flashkësi, paaftësi, pazotësi, mungesë, zbehtësi, anemi.
VERDHËSÍR/Ë,~A f. 1. Ngjyra e verdhë, e verdha; verdhësi, zbehtësi. Ka (mori) verdhësirë. Verdhësira e syve.
2. edhe sh. ~A, ~AT mospërf. Njeri i zbehtë e i tretur; ngordhësirë. Ishte një verdhësirë si kufomë. Kishin mbetur ca verdhësira.
ZBEHTËSÍ,~A f. Të qenët i zbehtë, vetia e diçkaje që është e zbehtë. Zbehtësi e lehtë. Zbehtësia e fytyrës (e lëkurës). Zbehtësia e vdekjes. Zbehtësia e dritës. Zbehtësia e hënës. Iu zhduk (i iku) zbehtësia. Në këtë zbehtësi vetullat i dukeshin edhe më të zeza. U tremb nga zbehtësia ime. Zbehtësia e ngjyrave të realitetit.
✱Sin.: verdhësi, verdhësirë, flashkësi.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë