Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ABSTRAKSIONÍST/E,~JA f. sh. ~E, ~ET Ajo që krijon e që mendon në mënyrë abstrakte; ajo që u përmbahet parimeve të abstraksionizmit në artet figurative, në muzikë, në filozofi, në shkencë etj.; pasuese e zbatuese e abstraksionizmit. Ishte abstraksioniste e vërtetë.
EKZEKUTÚES/E,~JA f. sh. ~E, ~ET 1. Ajo që zbaton një ligj, një vendim, një urdhër, një marrëveshje etj. Ekzekutuese e aktit noterial. E caktuar si ekzekutuese e ligjshme e tij. Ekzekutuese e politikës së qeverisë. Ekzekutuesja e testamentit.
2. drejt. Ajo që merr pjesë drejtpërsëdrejti në kryerjen e një vepre penale. Ekzekutuesja e aktit të vjedhjes së votës
3. Vrasëse. Ekzekutuesja u zhduk menjëherë pas vrasjes. Ekzekutuesja e familjes. Ekzekutuesja e gjuetarit.
4. muz. Ajo që luan një pjesë muzikore. Ekzekutuesja e preludit të Shopenit. Në piano po luanin dy ekzekutuese.
5. sport. Ajo që kryen lëvizje të caktuara të teknikës së një sporti. Ekzekutuesja e gjuajtjes. Ekzekutuesja e goditjes mbi rrjetë. Ekzekutueset e bllokut të kundërshtarit.
✱Sin.: zbatuese, realizuese, interpretuese, performuese, vrasëse.
►GATÍT/EM jovep., ~A (u), ~UR bised. 1. vetv. Marr të gjitha masat, bëj të gjitha përgatitjet e nevojshme, bëhem gati për punë, për t’u nisur a për të pritur diçka; përgatitem. Gatitet për udhë (për shkollë). Gatiten për luftë.
2. vetv. Marr drejtqëndrim dhe nuk lëviz. Me komandën zbatuese ata gatiten.
3. pës. e GATIT.
✱Sin.: përgatitem, matem.
KËSHÍLL,~I m. sh. ~A, ~AT zyrt. 1. Emërtim i përgjithshëm për organin drejtues të pushtetit qendror ose lokal, që zgjidhet nga populli dhe ka fuqi urdhëruese e zbatuese. Këshilli i Ministrave organi më i lartë i administratës shtetërore në Republikën e Shqipërisë, kryeministria, qeveria. Këshilli i Europës. Këshilli i rrethit (i qarkut, i qytetit).
2. zyrt. Organ kolegjial e këshillues në një institucion a ndërmarrje, në një organizatë me karakter kombëtar ose ndërkombëtar, që ka karakter politik, shoqëror etj. Këshilli i Sigurimit në OKB organ i OKB-së, që përbëhet nga 15 anëtarë, nga të cilët pesë janë të përhershëm me të drejtë vetoje. Këshilli Europian organ i lartë i Bashkimit Europian që përcakton orientimet e përgjithshme politike. Këshilli i Bashkimit Europian organ qendror vendimmarrës i Bashkimit Europian. Këshilli i Lartë i Drejtësisë (në një shtet). Këshilli shkencor (pedagogjik, i profesorëve). Këshilli drejtues i partisë.
3. Lokali, ndërtesa dhe zyra ku është vendosur një organ i tillë.
PËRMBARÚES,~E mb. 1. drejt. Që zbaton vendimet e gjykatës civile dhe aktet e tjera të caktuara me ligj. Zyra përmbaruese (drejt.) zyra e përmbarimit.
2. Që ka fuqi zbatuese. Komitet përmbarues.
3. spec. Që bëhet në fazën e fundit të prodhimit të diçkaje, para se të nxirret nga fabrika, nga uzina etj.; përfundimtar. Punë përmbaruese.
ZBATÚES,~ E mb. 1. Që ndjek e vë në jetë diçka, që përmbush (një vendim, një porosi etj.). Fuqi zbatuese. Roli zbatues. Pala zbatuese. Plan zbatues. Kapacitete zbatuese.
2. Që vë në jetë një projekt, një grafik etj. që realizon një plan. Kompania zbatuese. Inxhinier (teknik) zbatues.
3. usht. Që urdhëron zbatimin, që duhet zbatuar menjëherë. Komandë zbatuese. Nëpunësit zbatues.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë