Fjalori

Rezultate në përkufizime për “zbaticë”

Mëso si ta përdorësh
<<< Kthehu te kërkimi kryesor në fjalor

BATICË

BATÍC/Ë,~A f. sh. ~A, ~AT 1. det. Ngritja e nivelit të ujit të detit, që përsëritet dy herë në ditë; det i ngritur, det i fryrë, burë; kund. zbaticë. Koha e baticës. Ka baticë. Vjen (bie) batica. Përfitoi nga batica.
2. fig. Periudhë ngritjeje e një lëvizjeje a veprimtarie; ngjitja dhe fuqizimi i diçkaje; vërshim. Batica e demonstratës. Baticë ndjenjash. Baticë pakënaqësie.

BURË

BÚR/Ë,~A f. vet. nj., det. 1. Gjendje e trazuar e detit kur fryn erë dhe ka dallgë e shkulm; det i keq; kund. bunacë. Det në burë. Ka (bën) burë.
2. Baticë; kund. zbaticë. I iku bura detit. Kur vjen bura, uji del e mbush hauzet.

RËNIE

RË́NI/E,~A f. sh. ~E, ~ET 1. Veprimi dhe gjendja kur bieІ. Rënie e theksuar (e plotë, e pjesshme). Rënie e lirë e trupit (fiz.). Rënia e gjetheve (e flokëve, e lëkurës, e dhëmbëve). Rënia e dëborës (e shiut). Rënia e qytetit (e kalasë). Rënia e çmimit (e prodhimit, temperaturës, e shtypjes). Koha e rënies. Gjatë rënies. Pika e rënies. Përvjetori i rënies. Pëson (ka) rënie.
2. Ecje drejt shkatërrimit të përgjithshëm, ulja e gjithanshme e fuqisë, e shkallës së zhvillimit ose e vlerave morale; prapavajtje; kund. ngjitje. Periudhë rënieje. Është në rënie.
✱Sin.: rrëzim, shkëputje, shembje, gremisje, rrokullisje, rrëzim, vdekje, përhapje, shfuqizim, mpakje, tulatje, platitje, dorëzim, goditje, sjellje, sëllim, prekje, prapavajtje, regres, zbaticë, depresion hyrje.

ZBATICË

ZBATÍC/Ë,~A f. sh. ~A, ~AT 1. Ulje e nivelit të ujit të detit, që përsëritet dy herë në ditë; det i ulur; kund. baticë. Zbatica e detit. Batica dhe zbatica. Koha e zbaticës. Fillon (vjen, bie) zbatica.
2. fig. Periudhë uljeje a tërheqjeje e një lëvizjeje a e një veprimtarie, koha e dobësimit të diçkaje; rënie. Zbaticë e përkohshme. Zbatica e lëvizjes (e grevës).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë