Fjalori

Rezultate në përkufizime për “zbarit”

Mëso si ta përdorësh
<<< Kthehu te kërkimi kryesor në fjalor

FTOH

FTOH vep., ~A, ~UR kal. 1. Ia ul temperaturën diçkaje; e bëj më të ftohtë, i pakësoj të nxehtët; i heq të ngrohtët dhe e bëj të ftohtë; kund. ngroh. Ftoh ujin (gjellën). Ftoh dhomën.
2. E bëj dikë që të mërdhijë shumë; plevitos. E ftohu fëmijën duke e mbajtur jashtë.
3. bised. Shuaj, fik. Ftoh zjarrin.
4. Kalit një vegël prej metali duke e nxehur shumë e duke e futur pastaj menjëherë në ujë të ftohtë. Ftoh sëpatën.
5. fig. E bëj dikë t’i dobësojë e t’i prishë lidhjet e marrëdhëniet miqësore me një tjetër ose të mos ketë për të dashurinë e mëparshme, e largoj dikë nga një njeri i afërt; ia pakësoj dikujt dëshirën, vullnetin a vrullin për një punë. Ua ftohu miqësinë (marrëdhëniet). Ia ftohu ndjenjat.
6. Lëvroj tokën për herën e tretë. E ftohu tokën.
✱Sin.: plevitos, tartaros, freskoj, shuaj, fik, zvjerdh, zbarit, përandit, tëhuaj.
♦ I ftohu (i uli) *gjakrat (dikush). Ia ftohu *kokën (kryet) (dikujt). Ia ftohu kryet (*kokën) (dikujt). As të *ngroh e as të ftoh.

SAM

SÁM vep., ~A, ~UR kal. Djeg, than akulli. Ngrica e madhe e ka samur barin. Bëj kujdes se i sam të gjitha ky mot.
✱Sin.: zbarit, ftoh.

ZBARITJE

ZBARÍTJ/E,~A f. sh. ~E, ~ET 1. Gjendja kur zbarit diçka; humbja e shijes (për gjellën). Zbaritja e gjellës.
2. fig. Gjendja kur zbarit dikë; zvjerdhja a ftohja me të tjerët (për njerëzit). Zbaritja e shokëve.

ZVJERDH

ZVJERDH vep., ZVÓRDHA, ZVJÉRDHUR kal. 1. I pres gjirin foshnjës, nuk i jap më gji; ndaj të voglin e një kafshe nga e ëma që të mos pijë më, ndaj; kund. vjerdh. Ia zvordhi gjirin. E zvordha fëmijën nga gjoksi. I zvordhën qengjat (kecat). - Kur qengjat fillojnë të hanë bar, i zvjerdhin nga nënat, i futim në një vathë më vete. Ka ditë që kecat i zvordhëm nga gjiri.
2. fig. Ia ftoh dikujt dëshirën për diçka, bëj që t'i mërzitet a t'i neveritet; e ftoh dhe e largoj prej dikujt a prej diçkaje, zbarit. Tamam ato duar ia kishin zvjerdhur gjellët që bënte. Ia zvordhën shkollën. I ka zvjerdhur çdo dëshirë. E zvordhën djalin. I zvordhi miqtë. Këtu ma vjerdh, aty ma zvjerdh djalin ajo vajzë. Qetë e ligj të zvjerdhin arën. (fj. u.).
3. vet. v. III, krahin. Fillon të rrëzojë lulet për të lidhur kokrra (për pemët). Qershia i ka zvjerdhur lulet.
4. I pres rrënjët e tepërta a lastarët e padobishëm një bime të shartuar (zakonisht për hardhitë), krasit. I zvordhën hardhitë.
✱Sin.: ndaj, këput, shkëput, pështiros, neverit, mërzit, ftoh, zbarit, zverëtit, krasit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë