Fjalori

Rezultate në përkufizime për “zarar”

Mëso si ta përdorësh
<<< Kthehu te kërkimi kryesor në fjalor

BALEZ

BÁLEZ,~A f. sh. ~A, ~AT zool. 1. Baldosë. Hyri baleza në arë e na bëri zarar.
2. Zog i zi me balë të bardhë në kokë. Baleza është më e vogël se rosa.

DËMTIM

DËMTÍM,~I m. sh. ~E, ~ET 1. Veprimi kur dëmtoj dikë a diçka; prishja a çuarja dëm e diçkaje; shkatërrim; kund. zhdëmtim. Dëmtimi i grurit (i ndërtesave, i makinave). Dëmtimi i shëndetit. Dëmtim me dashje (nga pakujdesia).
2. Humbje në mjete, në sende a në njerëz; dëm. Dëmtim i lehtë. Dëmtimet e lëkurës. Dëmtimet në të lashta.
✱Sin.: dëm, humbje, prishje, shkatërrim, dokëndisje, zarar, zullum, e keqe.

PAZARAR

PAZARÁR (i, e) mb. Që nuk bën zarar, që nuk bën dëm, i padëmshëm. Është njeri i pazarar. Fjalë të pazarar.

PRISHJE

PRÍSHJ/E,~A f. sh. ~E, ~ET 1. Veprimi kur prish ose kur prishet diçka.
2. Gjendja pasi prish a pasi prishem. Prishja e urës. Prishja e dhëmbëve. Prishja e mishit. Prishja e kontratës. Prishja e rregullit.
3. Vend i prishur a i shkatërruar. Prishje tektonike (gjeol.). Prishjet në çati.
4. bised. Shpenzim. Prishjet dhe të ardhurat.
✱Sin.: përprishje, shembje, shkatërrim, çartje, dëmtim, dëm, shpërbërje, shthurje, çrregullim, shprishje, fshirje, shuarje, keqësim, dobësim, shëmtim, rrënim, zvetënim, përdhosje, bastardim, degjenerim, ngërdheshje, shtrembërim, kalbje, thartim, tharmëtim, tharmim, dekompozim, zjarrtisje, qelbje, ndotje, vrenjtje, shpenzim, dështim, shkrehje, rrëzim, krusmë, thepisje, hallakatje, shkallmim, shkapërderdhje, zbërthim, porropi, zarar, çakordim, djallosje, katranosje, ngatërrim, shkarëzim, çorganizim, rënie, pështjellim, rravgim, çjerrje, shkelje, tretje, shformim, prerje, mykje, zhezhitje, djegie, ndyrje, fëlliqje, ndërprerje, ftohje, acarim, egërsim, harxhim.

QAR

QAR,~I m. bised. Fitimi që kemi nga shitja a nga blerja e diçkaje ose nga një punë; leverdi; kund. qeder, humbje. Punë pa qar. Shiste me qar. Bënte qar fitonte, siguronte fitime. E ka qar e ka fitim të paparashikuar.
✱Sin.: fitim, përfitim, leverdishmëri.
♦ I bie qarit (dikush) përfiton pa u munduar fare diçka që nuk e priste ose që nuk i takonte; I bie qylit. E ka një qar e dhjetë zarar (dikush) keq. Harxho përtej mundësive, është prishanik i madh, më shumë prish se fiton; merr shtatë e prish tetë; qep një pëllëmbë e shqep një pash.

SHAKATIM

SHAKATÍM,~I m. zakon nj. Të bërët shaka, qatër, romuz. E kishte në karakter shakatimin. Zotëronte artin e shakatimit ajo vajzë. Shakatim me zarar.
✱Sin.: hokë, mahi, ojnë, hajgar, qesëndi, rrekë, shpoti, tallje, gazele, qeshje, e qeshur, lojë, humor, gaz, qatër, qyfyr, gallatë, romuz, gaxhi, jarani.

SHAKATOJ

SHAKAT/ÓJ vep., ~ÓVA, ~ÚAR 1. kal. Bëj shaka me dikë, e ngacmoj a luaj me fjalë me dikë. E shakatonte vazhdimisht të birin. Mos i shakato të tjerët! E shakatonte për t’ia ngritur humorin.
2. jokal. Them shaka, qesh. Ndonjëherë shakatonte pa zarar. Nuk po shakatoj, ndaj më dëgjo! Mos shakato!
✱Sin.: tall, qesh, luaj, qesëndis, lolis, mahit, hokoj, gazoj, përqesh.

ZARAR

ZARÁR,~I m. sh. ~E, ~ET bised. Dëm, prishje; humbje. Zarar i madh. Gjë pa zarar. Shaka me zarar shaka që prish punë, shaka që mund të sjellë dëm. Bën zarar bën dëm, dëmton. Iu bë shumë zarar. Nuk është i zararit (dikush) nuk të bën keq. E kapi në zarar e kapi duke bërë dëm, e kapi duke dëmtuar diçka. Breshri ka bërë zarare të mëdha. Janë me zarar këto punë janë me rrezik këto punë, mund të sjellin dëm. S'ka zarar s'ka gjë, s'prish punë. As qar, as zarar. Më i madh zarari se qari. (fj. u.). Ik o qar se më bën zarar. (fj. u.). Qari dhe zarari janë vëllezër (motër e vëlla). (fj. u.). Fjala me karar, nuk ka zarar. (fj. u.). Inati është zarari i shtëpisë. (fj. u.).
♦ E ka një *qar e dhjetë zarar (dikush) keq.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë